Search

Nimuntabare nzagaragare muri Guma Guma uyu mwaka kuko inzara imeze nabi hanze aha-Senderi Hit

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Umuhanzi Eric Senderi ukunze kwiyita Internatioanal Hit n’andi mazina menshi aratakambira abategra irushanwa rya Primus Guma Guma Super Star ngo bakureho ingingo zose zamubuza kwitabira iri rushanwa uyu mwaka kuko inzara imumereye nabi, ntagafaranga aheruka kubona kandi atunzwe n’umuziki.

Senderi n’umwe mu bahanzi bagaragaje udushya twinshi mu irushanwa rya Primus Guma Guma.

Senderi uzwiho gukora udushya, yeruye avuga ko ntako ameze muri iyi minsi inzara imumereye nabi kuko atunzwe n’umuziki kandi akaba adaheruka kubona kugafaranga.

Mu butumwa uyu muhanzi yanyujije kuri Instagram yatakambiye abategura irushanwa rya Primus Guma Guma Super Star ko bamukomorera bagakuraho ingingo ijyanye n’imyaka imubuza kwitabira iri rushanwa muri uyu mwaka maze akareba ko yakwongera kurya.

Yagize ati “Umwaka mushya wa 2018 ku bakunzi b’umuziki nyarwanda mwese by’umwihariko abafana banjye!!! Bavandimwe @bralirwa !eap_Rwanda namwe banyamakuru mwese muri rusange, nimuntabare nzagaragare muri Guma Guma uyu mwaka kuko nkumbuye abafana banjye kandi narabikoreye muri 2017. Muvaneho ingingo ikumira umuhanzi kubera imyaka… abanyarwanda bakumbuye kubona itandukaniro ryanjye n’abandi bahanzi mu irushanwa rimwe rukumbi rikomeye ribera mu Rwanda!!! Ndabasabye mwokabyara mwe inzara imeze nabi hanze aha kandi ntunzwe n’umuziki gusa. Mugire amahoro y’Imana. Ni Senderi Internatioanl Hit Number One in the City.”

Ubutumwa Senderi Hit yanyujije kuri Instagram atakamba.

Mu barenga ibihumbi 33 bakurikira Senderi kuri uru rubuga, harimo abagaragaje ko ‘bakozwe ku mutima no kuba ari gutaka inzara’ gusa hari igice cy’abandi bamwamaganiye kure bavuga ko adakwiye gusubira muri Guma Guma.

Ubwo iri rushanwa rihuka kuba mu mwaka ushize, abaritegura barimo Bralirwa na Eap bashyizeho ingingo itaravuzweho rumwe ivuga ko umuhanzi wemerewe kujya mu irushanwa agomba kuba afite imyaka iri hagati y’imyaka 18 na 35 y’amavuko.

Ibi byaje gutuma Senderi Hit, Danny Vumbi na Uncle Austin batabasha kwibona mu bahanzi bemerewe guhatanira iri rushanwa riheruka kuba ku nshuro ya karindwi. Kugeza ubu ntawuramenya nimba iyi ngingo izongera kugenderwaho muri uyu mwaka ubwo Guma Guma izaba iba kunshuro ya munani.

Eric Senderi International Hit aratabaza ngo inzara imumereye nabi.

Senderi ngo iyo ari muri Guma Guma uretse kumuha amafaranga ngo aba anarya neza.

 

 

Ivan Heritier

Comments

comments




Leave a Reply

Your email address will not be published. Required fields are marked *