Ninde uha amahirwe yo kwegukana KIVU AWARDS 2019 ? Menya igihe ibihembo bizatangirwa

Mu ntara y’Uburengerazuba bw’Urwanda mu turere dukora ku kiyaga cya Kivu Rubavu,Karongi,Rusizi,Rutsiro na Nyamasheke abahatuye ndetse n’abakurikira ibikorwa by’imyidagaduro bahanze amaso abazegukana ibihembo bya Kivu Awards 2019 bimaze iminsi bihatanirwa mu byiciro bitandukanye.

Kivu Awards 2019 n’ibihembo byateguwe n’abitwa KDKZ Music babarizwa ku mugabane w’ubulayi bafatanyije na KIVU Entertainment aho kuva kuwa 20 Nzeli 2019 abahatana mu byiciro 17 barimo Abahanzi,Abanyamakuru,Abafite aho bahuriye n’imyidagaduro batorwa kuri murandasi igikorwa kizahagarara kuwa 31 Ukwakira 2019 nk’uko byagaragajwe mw’itangazo ryashyizwe hanze n’abategura KIVU AWARDS2019 ibaye ku nshuro ya mbere.

Ubwo IBYAMAMARE.COM twabazaga Ndayisenga Masunzu ukuriye iki gikorwa cya KIVU AWARDS2019  yatubwiye ko itora kuri murandasi (internet) bizahagararira ku munsi w’ejo kuwa kane 31. Ukwakira 2019

“N’ibyo igikorwa cyo gutora kuri internet abahatanira ibihembo bya KIVU AWARDS 2019 mu byiciro 17 kirahagarara uyu munsi maze hatangirwe habarurwe amajwi uko abantu bagiye barushanwa”

Masunzu Ndayisenga akomeza avuga ko uburyo bundi bari barateganyije bwo kuzatora hakoreshejwe SMS butabashije gukunda kubera Kompanyi bari bahanye gahunda ikica amasezerano

“Gutora kuri SMS twaje kubihagarika nyuma y’uko abo twari twaragiranye amasezerano batayubahirije tubona bari gutinda no kwica ibyo twemeranyijwe ubu twahisemo kuzareba ukundi tubikorana ubushishozi buzunganira amajwi yo kuri internet”

Kubundi buryo buzifashishwa Masunzu abitangaza gutya

“Tuzagenzura ibikorwa ibikorwa abantu bakoze tunyuze kuri za platforms z’abahanzi,tuzegera abantu bo muri Showbiz,Abanyamakuru naba Djs kuko icyo tugamije n’uguhemba ubikwiriye wakoze neza ntago twaha ibihembo umuntu udafite ibikorwa bigaragara ngo n’uko yagize amajwi ibihumbi kuri murandasi gusa” 

Twabibutsa ko umunsi nyirizina witangwa rya KIVU AWARDS2019 ari kuwa 30 Ugushyingo 2019 ibirori bikazabera mu karere ka Rusizi mu mujyi wa Kamembe hakaza na Gala Night aho abantu baturutse imihanda yose bazaba baje kwihera ijisho uko icyo gikorwa gisozwa.

KIVU AWARDS ibihembo bizatangwa kuwa 30 Ugushyingo 2019 i Kamembe

 

Tanga Igitekerezo ukoresheje Facebook

SHARE