Niyonzima Olivier ‘Seif’ watsinze igitego cyabonetse ku mukino wahuje Amavubi na Kenya, FERWAFA yamuhagaritse ntazongera gukinira ikipe y’igihugu.

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Ishyirahamwe ry’Umupira w’Amaguru mu Rwanda (FERWAFA) ryatangaje ko Niyonzima Olivier ‘Seif’ yahagaritswe igihe kitazwi mu Ikipe y’Igihugu ‘Amavubi’ kubera imyitwarire idahwitse.

Niyonzima yaraye agaragaye mu mukino u Rwanda rwatsinzwemo na Kenya ibitego 2-1 ku wa Mbere, tariki ya 15 Ugushyingo 2021, ku munsi wa nyuma (wa gatandatu) usoza imikino yo mu Itsinda E ryo gushaka itike y’Igikombe cy’Isi cya 2022 kizabera muri Qatar.

FERWAFA ryatangaje ko Niyonzima Olivier ‘Seif’ yahagaritswe igihe kitazwi mu Ikipe y’Igihugu ‘Amavubi’

Nubwo uyu mukinnyi ari we watsinze igitego cy’Amavubi cyabonetse ku munota wa 65, FERWAFA yatangaje ko yamaze guhagarikwa mu Ikipe y’Igihugu kubera imyitwarire mibi.

Yagize iti “FERWAFA iramenyesha Abanyarwanda bose ko Niyonzima Olivier ahagaritswe igihe kitazwi mu Ikipe y’Igihugu kubera imyitwarire idahwitse. Tuboneyeho kumenyesha abo bireba bose ko FERWAFA itazihanganira uwo ari we wese uzagaragaza imyitwarire mibi mu Amavubi.”

Ntabwo higeze hatangazwa impamvu Seif yahagaritswe mu Ikipe y’Igihugu gusa imyitwarire mibi kuri we si ikintu kivuzwe ubwa mbere. Yigeze kuvugwaho ubusinzi agikinira APR FC aho bikekwa ko biri mu byatumye ayivamo.


Hari amakuru avuga ko uyu mukinnyi ataraye kuri hoteli Amavubi yari acumbitsemo i Nairobi ku buryo atigeze ahagurukana na bagenzi be ubwo biteguraga kugaruka i Kigali.

Ikipe y’Igihugu yasoje ijonjora rya kabiri ryo gushaka itike y’Igikombe cy’Isi iri ku mwanya wa nyuma n’inota rimwe mu mikino itandatu yakinnye mu Itsinda E.

Nubwo uyu mukinnyi ari we watsinze igitego cy’Amavubi cyabonetse ku munota wa 65, FERWAFA yatangaje ko yamaze guhagarikwa mu Ikipe y’Igihugu

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO