Search

Ntamunyeshuri w’Umunyarwanda uzongera kujya kwiga hanze atabanje gupimwa ko yakoresheje ibiyobyabwenge

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Kuva mu Ukuboza umwaka ushize nyuma gato y’inama ya 15 y’umushyikirano, inzego zitandukanye mu Rwanda zahagurukiye bikomeye kurwanya ibiyobyabwenge. Minisiteri y’uburezi yasohoye itangazo rivuga ko Umunyarwanda wese ushaka kujya kwiga mu mahanga azajya abanza kwerekana icyemezo cy’ibitaro byemewe, gihamya ko atigeze akoresha ibiyobyabwenge.

Umuyobozi Mukuru w’Ikigo cy’Igihugu gishinzwe Uburezi (REB), Gasana Janvier ni we wasohoye iritangazo.

Iritangazo ryashyizwe hanze kuri uyu wa Gatatu, tariki ya 3 Mutarama 2018 na Minisiteri y’Uburezi ibinyujije mu Kigo cy’Igihugu gishinzwe Uburezi (REB) ku bufatanye na za Ambasade z’u Rwanda hirya no hino ku isi.

Rivuga ko abategura kujya gukomereza amasomo yabo muri Leta Zunze Ubumwe za Amerika n’ahandi kuri buruse za Leta, iz’ubutwererane cyangwa abirihira, bazajya batanga imyirondoro yabo muri Ambasade z’u Rwanda bakanerekana ko batigeze bakoresha ibiyobyabwenge.

Hashyizweho kandi na gahunda y’ibiganiro by’umunsi umwe bizajya bihabwa abagiye kujya kwiga mu mahanga kugira ngo bagirwe inama z’uko bakirinda biriya bibazo byatuma batarangiza amasomo yabo.

Iritangazo risobanura ko ibi bigamije kumenya amakuru y’abanyeshuri b’abanyarwanda biga mu mahanga kugira ngo bakomeze gukurikiranwa no gufashwa kwiga bagasoza amasomo yabo.

Rivuga kandi ko bizafasha mu kugabanya ibibazo abanyeshuri bahura nabyo birimo gusibizwa cyane mu mashuri, gukoresha ibiyobyabwenge, kunywa inzoga birenze urugero, kwirukanwa muri za Kaminuza no gusubizwa ku ngufu mu bihugu baturutsemo.

KANDA HANO USOME IRITANGAZO.

Uyu mwanzuro kimwe n’indi yose ikomeje gufatwa mukurwanya ibiyobyabwenge, ije nyuma yuko Perezida Kagame ubwo yasozaga inama ya 15 y’umushyikirano yasabye inzego zitandukanye z’igihugu guhagurukira ikibazo cy’ibiyobyabwenge kuko aho kigeze giteye ubwoba kurusha uko abantu bagifata.

 

 

Ivan Heritier

Comments

comments




Leave a Reply

Your email address will not be published. Required fields are marked *