Ntibisanzwe: Hakozwe impeta izajya itamaza uwubatse urugo uzajya agerageza guca inyuma mugenzi we.

1

Gucana inyuma bimaze gufata intera hagati y’abashakanye ku buryo usanga biri mu mpamvu zikomeye zituma hari bamwe bafata umwanzuro wo gutandukana burundu.

Umunyabugeni Jason ufite inzu ikora imitako itandukanye ndetse n’impeta ya Bespoke JEWELLERY iherereye mu Mujyi wa Beverly Hills i Los Angeles muri Leta Zunze Ubumwe za Amerika yashatse igisubizo kuri icyo kibazo maze akora impeta izajya itamaza uwubatse urugo uzajya agerageza guca inyuma mugenzi we.

impeta

Inkuru yanditswe ku rubuga elcrema ivuga ko uyu munyabugeni yasanze ko abagore cyangwa abagabo iyo bashaka guca inyuma abo bashakanye babanza bagakuramo impeta kugira ngo bigaragare ko bakiri ingaragu.

Iyi mpeta yakozwe na Jason yo ngo izajya ishyira ikimenyetso ku rutoki rw’uwayambaye cy’uko yashyingiwe kugira ngo ibyo bibashe kuburira uwo benda gukorana imibonano mpuzabitsina ko atari ingaragu ndetse uramutse wamubeshye yahita akuvumbura.

Iyo mpeta ikozwe mu buryo igihe urimo kuyikuramo ikwandikaho ku rutoki ko washyingiwe. Mu buryo buzimije igaragaza ijambo “deirram” warisoma uturutse inyuma bikaba “married”, bisobanuye uwashyingiwe.

N’ubwo iyi mpeta yakozwe kugira ngo ababeshywaga bagakoreshwa imibonano mpuzabitsina bibonere ukuri, ngo nta cyizere ko izacyemura burundu ibijyanye no gucana inyuma kuko hari n’abasambana n’abantu bazi neza ko bafite abagore cyangwa abagabo cyangwa se bagasambana ayambaye (impeta) bitagombye kuvuga ko bayikuyemo ngo bagamije kubeshya.

ii

Ikindi cyibazwa kuri iyi mpeta ni uko kuba umwe mu bashakanye ashobora gusaba mugenzi we kuyambara byaragaza ko atamufitiye icyizere nabyo bikaba byakurura amakimbirane hagati yabo.

17,052 total views, 1 views today

Comments

comments

IBYAVUZWE KURI IYI NKURU 1

  1. Hahahahahaaaaaa, uyu munyabugeni yataye igihe cye, izi mpeta ntacyo zivuze imbere yushaka gukora icyo akora kuko nubundi ni mpeta zisanzwe iyo uhora uyambaye, yihushanya ku rutoki, bikamaraho igihe gito, nubundi niyi nubwo bigaraga ko byiyandiseho cyane, umaze umwanya wayivanyemo urutoki rusubirana umwimerere warwo. Ibi uyu munyabugeni yakoze nibyo kugaragaza ko ubugeni bwe buteye imbere, sibyo gukumira abacana inyuma. Nkuko namwe mwabigarutseho muri iyi nkuru, mwivugiye ko hari abasambana kandi bazambaye ndetse nabanyiri gusambana bazi ko baciye inyuma bagenzi babo, none se nkuyu urumva iyi mpeta ivuze iki? Umuntu ni muremure cyaneeeeee, ntiwamurondora ngo umenye ibye, iyo kamere yakugiyemo ikakurwaniramo, ikagurumanira muri wowe, ushiduka yakuganje ugakora icyo kamere irarikiye. Kunesha bene iyo kamere kereka gusenga, usenga by’ukuri bitari umuhango, ukiyegereza imbaraga ikomeye ituruka k’Uwiteka, Mwuka muziranenge akaguturamo, akagufasha kunesha iryo rari. Nibwo uzatsinda ibishuko n’ibikugeregeza, naho ubundi ibyo byose bahimbahimba ngo byakumira ibibi n’ibi ni IBINYOMA ndetse nabyita IBIHENDO BYA SATANI. UWITEKA ADUSHOBOZE KUMUMENYA BY’UKURI.

ANDIKA ICYO UTEKEREZA KURI IYI NKURU