Ntibisanzwe : Mu Burusiya inzobere mubyamudasobwa zikora ibizamini zirikwagazwa n’inkumi bagamije kureba abafite intege ku gitsina gore.

0

Mu gihugu cy’u Burusiya, harimo gukorwa irushanwa ryo gushakisha inzobere mu bya mudasobwa zizafasha Perezida Vladimir Putin mu bikorwa akeneramo abahanga mu by’ikoranabuhanga, gusa igitangaje ni uko uretse ubuhanga bashakwaho, bagomba no kurushanwa bafite abakobwa babatesha umutwe, babakorakora cyangwa bakora ibintu byatuma babarangaza.

Bakora ibizamini bafite inkumi zibashagaye zigamije kubarangaza
Bakora ibizamini bafite inkumi zibashagaye zigamije kubarangaza

Buri musore mu bahatanira kwinjira mu ikipe y’abahanga mu ikoranabuhanga bazakorera Perezida Vladimir Putin, agomba kuba afite umukobwa mwiza umuhora iruhande mu gihe ari kuri mudasobwa ye, akajya amubyinira akanamukorakora ngo hanasuzumwe uburyo buri umwe muri aba ashobora kwihagararaho no kwihanganira ibimutesha umurongo.

Iki kizamini kirimo gutangwa mu rwego rwo gushaka abahanga bazasimbura abo igihugu cy’u Burusiya gikoresha mu ikoranabuhanga, nka kimwe mu bihugu binavugwaho kugira abahanga bafite ububasha bwo gukora nka ba rushimusi (hackers). Mu rwego rwo gusuzuma ubuhanga bafite n’uburyo bashobora kwihanganira ibihe bigoye bageramo, bakaba barahawe ikizamini cyo gukora porogaramu ya mudasobwa ikomeye, hiyongereyeho n’abakobwa babatesha umutwe, uzagitsinda batanamurangaje akaba ari we uzahabwa akazi.

Menshi mu mashusho yafashwe y’ibibera muri iri rushanwa yagaragajwe mu nkuru dukesha ikinyamakuru Daily Mail, agaragaza abasore benshi baba babirengagije bakikorera akazi, hagaragaramo n’abandi bavuye mu by’akazi bakirebera abakobwa.

 

Ibi bibaye nyuma y’aho ikigo gishinzwe iperereza muri Leta Zunze Ubumwe za Amerika kizwi nka CIA, cyagaragaje ko u Burusiya bwakoze ibishoboka byose hifashishijwe abahanga babwo kuri mudasobwa kugirango bufashe Donald Trump gutsinda amatora, gusa Donald Trump we yabyise urwitwazo anabigereranya nk’ubusazi.

Byaba byarabayeho cyangwa bitarabayeho, ukuri kuzwi kudashidikanywaho ni uko u Burusiya bufite inzobere zibifitiye ububasha, ubu hakaba harimo gutangwa ikizamini ngo hazaboneke ikipe y’inzobere yo kuzasimbura iyari isanzwe ikorera igihugu ibijyanye n’ikoranabuhanga rihambaye

3b5503fd00009c1f-6146c 66d646ecaf72367f60d5a6e701bebf

 

35,868 total views, 1 views today

Comments

comments

ANDIKA ICYO UTEKEREZA KURI IYI NKURU