“N’ubwo nakuburira Inkwano sinakuburira impano” Orchestre Amani mu ndirimbo nshya.Yumve hano

Orchestre Amani ni bamwe mu bahanzi Nyarwanda bakiri bato bakomeje kwerekana ko basigasiye umuziki w’umwimerere benshi mu rubyiruko bateye umugongo usa n’uharirwa abakuze.

Iyi Orchestre si nshya mu matwi ya bamwe mu bakurikirana bya hafi muzika Nyarwanda n’ubwo bataragera kure ariko indirimbo zabo nka “Ukutamenya” ,”Ibuye ry’agaciro” niyitwa “Umugisha” ziri mu zanyuze amatwi abakunda muzika y’umwimerere yiganjemo ibicurangisho binyura amatwi bitagombera ibyuma kabuharihe by’abazungu.

Iyi orchestre Amani yashinzwe muri Mata 2017 igizwe na Iraguha Savio na Bahati Norbert umuhanga mu gukirigita umurya wa gitari akaba ari nawe uyobora imicurangire ya Orchestre.

Kur’ubu nyuma yo kubona ko uyu muzika w’umwimerere unyotewe na benshi Orchestre Amani yashyize hanze indirimbo nshya bise “Ndagukunda” indirimbo ikozwe mu buryo bugezweho ariko bakaba baravanzemo ibicurangisho mu buryo bwa Live mu rwego rwo gukurura abakunzi mu mpande zombi (Abakuze n’abato)

Iyi ndirimbo “Ndagukunda” igaruka ku rukundo nyarwo ruzira imbereka rufite intego yo gushinga urugo ku bakundana

Haraho bagira bati: “Naho nakuburira inkwano sinakuburira impano” mu buryo bwo kumvikanisha ko urukundo nyarwo rudashingira ku bintu no gukangurira abantu bakuru korohereza urubyiruko rushaka gushinga ingo dore ko inkwano ibera imbogamizi abatari bacye bagahera mu busilibateri !

Savio Iraguha umwe mubagize Orchestre Amani

Savio Iraguha aganira na Ibyamamare.com hari ibyo yasabye Itangazamakuru Nyarwanda

“Icyo twisabira Itangazamakuru n’ukuduha umwanya tukageza ubutumwa busesuye ku bakunzi ba Muzika Nyarwanda,aho twakoze nabi bakatugira inama kandi tukaba dufite icyizere ko tuzagera kure”

Orchestre Amani muri uyu muzika har’aho bifuza kugera

Turifuza kuzajya ku rubyiniro rukomeye nk’uko Orchestre Impala de Kigali,Orchestre Ingeli,Les Citadins n’izindi Orchestre zaryoheje umuziki mu bihe bya kera,nizo nzozi zacu kandi rwose bitari cyera n’iduterwa ingabo mu bitugu tuzabigeraho” Savio Iraguha

Nta mupaka muri Orchestre Amani kuko bifuza kwaguka no kugera kure ari naho bahera basaba uwakwifuza kubiyungaho cyangwa uwacyenera ku batera inkunga iyo ariyo yose cyangwa kubatumira ngo bamutaramire aho abahamagara kuri 0788812086 cyangwa akabandikira ku mbuga nkoranyambaga.

Basoza ikiganiro na Ibyamamare.com basoje basaba Abakunzi ba Muzika Nyarwanda by’umwihariko umuzika wo hambere benshi bita “Igisope” kubashyigikira no kubatumira ndetse no gusaba ibihangano byabo ku maradiyo atandukanye mu Gihugu kugira ngo barusheho gutera imbere.

Umva hano indirimbo Ndagukunda ya Orchestre Amani

Tanga Igitekerezo ukoresheje Facebook

SHARE