NYAGATARE :Umusore uherutse kwimwa umugeni ku munsi w’ubukwe nyuma y’uko umuryango w’umukobwa bagaye ibihumbi 500 Frw yari yakoye,avuga ko we yari agiye kubana n’uriya mukobwa kuko yamukundaga atari agiye kumugura.

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Niyomwungeri Jeremie wo mu Karere ka Nyagatare uherutse kwimwa umugeni ku munsi w’ubukwe nyuma y’uko umuryango w’umukobwa bagaye ibihumbi 500 Frw yari yakoye, avuga ko we yari agiye kubana n’uriya mukobwa kuko yamukundaga atari agiye kumugura ku buryo umuryango we wagaya iriya nkwano.

Avuga ko uriya mukobwa bari bamaranye imyaka itatu bakundana, bageze aho bakemeranya kubana ndetse bakumvikana n’inkwano bahuriza ku bihumbi 500 Frw icyakora ngo amubwira ko iyo nkwano batayemera icyakora amubwira ko azabyumvisha ababyeyi be ko umusore bagiye kubana afite amikoro adahagije.

Niyomwungeri Jeremie wo mu Karere ka Nyagatare uherutse kwimwa umugeni ku munsi w’ubukwe nyuma y’uko umuryango w’umukobwa bagaye ibihumbi 500 Frw yari yakoye

Ngo ubusanzwe muri kariya Karere bakwa inkwano nyinshi dore ko hari n’abadatinya gukwa inka 10 bakagerekaho n’amafaranga, ariko ko uriya mukobwa koko yaganirije iwabo iriya nkwano barayemera.

Niyomwungere wagombaga gukora ubukwe ku ya 18 Nzeri 2021, avuga ko ku munsi w’ubukwe bwacyeye bakitegura ngo bajye gufata umugeni ubundi ngo bajye gusezerana, bagahamagara umukobwa bakumva nimero ya telephone ntiriho.

Ngo baje kuvugisha iwabo w’umukobwa bakababwira ko umukobwa yabuze ngo kuko yagiye gutanganya imisatsi ariko ko atagarutse.

Niyomwungere avuga ko umuryango w’iwabo wakomeje kotsa igitutu uw’umukobwa ngo bajyeyo ariko ukabangira, byagera saa cyenda z’umugoroba bakikora ari nka batanu bakajyayo, ngo bagezeyo babaza ikibagenza ngo kuko bari bababujije kuza.

Avuga ko babanje guterana amagambo ariko umwe mu basaza b’umuryango w’umukobwa akaza kuberurira ko inkwano batanze ari nke cyane. Ngo icyo gihe yagize ati “Amafaranga mwatanze nta nubwo aguze Inka ebyiri zacu ntabwo inkwano mwatanze zahagurutsa umugeni mu rugo.”

Niyomwungeri ati “Twaguye mu kantu…iwacu bati ‘mugomba kudusubiza ibyo twatanze ndetse n’ibyo mwakoresheje, barabyemera…”

Avuga ko yaje kuvugana n’umukobwa akamubwira ko na we atari we kuko bamufungiranye mu nzu ngo ahubwo ko imiryango yaje igaterana ikemeza ko atagomba kuva mu rugo kuri iriya nkwano.

Niyomwungeri avuga ko agikunda umukobwa ku buryo baramutse babonye ziriya nkwano babakosheje, bazazitanga ubundi bakibanira.

Avuga ko yashenguwe no kuba yarabuze umugeni kubera inkwano, ati “Njya numva hari n’aho bajyana umugeni ku buntu buziturwa cyangwa butaziturwa kandi bakabahekera umugeni ariko ahandi nasanze ari nk’ubucuruzi […] nashakaga umugore nakunze ntabwo nari ngiye kumugura.”

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

1 IGITEKEREZO

  1. Umusore baramuhohoteye ubonye iyobabimubwira mbere bataritegura
    Nkubwose iyaba yaramuteye inda
    Baribagize Umugisha none ngoyakoye bicyeya ajyekwibase?.

IGITEKEREZO