Search

Nyamagabe : Polisi yafashe umugabo wasambanyije kungufu umugore ufite uburwayi bwo mu mutwe

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Polisi yo mu Karere ka Nyamagabe yataye muri yombi umugabo w’imyaka 25, ukurikiranyweho icyaha cyo gufata ku ngufu, umugore ufite uburwayi bwo mu mutwe.

Yatawe muri yombi ku wa 7 Mata 2018, asanzwe mu rugo rwe ruherereye mu Kagari ka Kavumu, ari naho uwafashwe ku ngufu yari amaze ijoro ryose.

Umuvugizi wa Polisi y’u Rwanda mu Ntara y’Amajyepfo, CIP Emmanuel Kayigi, yavuze ko ukekwa afungiye kuri Sitasiyo ya Polisi ya Kaduha, nyuma yo gutabwa muri yombi kubera amakuru yatanzwe n’uwacungaga umurwayi.

Yagize ati “Ababaga hafi umurwayi bamenyesheje Polisi ko bamubuze, duhita dutangira gushakisha. Twaje kubona amakuru ko uwabuze yari kumwe n’ukekwa mu ijoro ryabanje. Twohereje abapolisi gushakisha mu rugo iwe, ari naho basanze uwahohotewe.”

Yakomeje ati “Ibimenyetso byagaragaje ko ariwe wamuhohoteye, kandi ni umuntu udashobora gutandukanya ikibi n’icyiza. Umuntu wese ufite ubumuga aba agomba kurindwa n’uwo ariwe wese. Ibyo yamukorewe, ni ukwangiza uburenganzira bwe kandi ni icyaha gihanwa n’amategeko.”

Ingingo ya 197 mu gitabo cy’amategeko ahana y’u Rwanda iteganya ko umuntu uhamwe n’icyaha cyo gusambanya umuntu ugeze mu zabukuru, umurwayi cyangwa ufite ubumuga, ahanishwa igifungo cy’imyaka iri hagati y’irindwi n’icumi n’ihazabu y’amafaranga y’u Rwanda kuva ku bihumbi 500 kugera kuri miliyoni imwe.

Comments

comments




Leave a Reply

Your email address will not be published. Required fields are marked *