NYAMASHEKE: Impano yari yaratsikamiwe k’umukobwa Jenny ubu yatangiye kwiyereka Abanyarwanda

2

Uko muzika Nyarwanda igenda iterimbere usanga hanagenda higaragaza impano zitandukanye mu bahanzi bato bigatanga icyizere ko umuziki w’u Rwanda w’ejo hazaza ufite icyerekezo.

Mu karere ka Rusizi na Nyamasheke bikunze kuvugwako kugira umuhanzi waho amenyekane bimusaba kuza gukorera umuziki we mu mujyi wa Kigali, hari n’ingero zifatika z’abahanzi bakomeye hano mu Rwanda bafite inkomoko muri kariya gace.

Ingabire Janviere uzwi ku mazina y’ubuhanzi nka Jenny n’umukobwa ufite impano idasanzwe mu miririmbire kuburyo benshi bemeza ko aramutse abonye umufasha mu muziki yageza impano ye kure.

Uyu mukobwa n’umwe rukumbi uri mu marushanwa ahuza abahanzi ba Rusizi, Nyamasheke na Karongi bise Kinyaga Awards, akaba anahabwa amahirwe yo kwegukana iri rushanwa ushingiye ku kuntu yagiye yitwara neza mu bitaramo byabanje.

img-20161221-wa0002
Jenny umukobwa uri kugaragaza impano ikomeye muri muzika

Jenny nk’umukobwa ukiri muto uri kugaragaza impano idasanzwe nubwo adafite indirimbo nyinshi ariko izo amaze gukora zitanga ikizere kuzumvise ko impano ye idakwiye gupfukiranwa.

Mu ndirimbo uyu mukobwa amaze gushyira hanze harimo ‘Ngufitiye umwanya’, ‘Ihangane’, ‘Turi bamwe na sibamwe’ izi ebyiri zanyuma aherutse no gushyirahanze amashusho yazo. Nyuma y’izi ndirimbo uyu mukobwa yakoze indirimbo y’urubuga rutangirwaho serivisi za leta arirwo Irembo bibasha kumuhesha asaga Miliyoni y’amafaranga y’u Rwanda.

img-20161222-wa0004
Jenny arahabwa amahirwe yo kwegukana Kinyaga Awards

Mu kiganiro twagiranye na Jenny yadutangarije ko agiye kwagura ibikorwa bye kuko yamaze kubona umujyanama uzajya umufasha mu bikorwa bye bya muzika. Ngabire Jenny avuga kandi ko afite ibihangano byinshi byiza yitegura gushyira hanze anashishikariza abandi bakobwa bagenzibe bafite impano gutinyuka kuko barashoboye.

img-20161222-wa0005
niwe mukobwa wenyine uri mu bahatanira ibihembo bya Kinyaga Awards
img-20161221-wa0004
Jenny ngo afite icyizere cyo kuzageza muaikaye kure hashoboka

 

Ivan Heritier@Ibyamamare.com

18,585 total views, 1 views today

Comments

comments

2 URABIVUGAHO IKI?

  1. BIRAVUGWAKO KO UYU MUKOBWA ASHOBORA NO KWINJIRA MU PGGSS Season ikurikira numvise abanya Rusizi bamugereranya Knowless ngo ntasanzwe.gusa nagerageze nawe utugezeho umuziki we na KIGALI turawukeneye.congs muko komerezaho.ni gute umuntu yareba izo video zawe?

ANDIKA ICYO UTEKEREZA KURI IYI NKURU