Nyampinga w’Ubwongereza yambuye ikamba,asubira mukazi k’ubuganga yari yarahagaritse agiye gufasha abarembejwe na Coronavirus mugihugu cye

Bhasha Mukherjee yafashe ikiruhuko cy’umwuga nk’umuganga muto nyuma yo kwitabira amarushanwa ya nyaminga w’isi mu Kuboza 2019. Mukherjee yari ahagarariye Ubwongereza mu marushanwa nyuma yo gutsindira ikamba rya nyampinga w’Ubwongereza.

Muherjee yatumiriwe kuba ambasaderi mu miryango myinshi y’abagiraneza, yari yarateguye kumanika stethoscope (igikoresho cyo kwamuganga bakoresha bumva uko umutima utera cyangwa umuntu ahumeka ) akibanda ku bikorwa by’ubutabazi kugeza muri Kanama uyu mwaka.

Yatangarije CNN ati: “Natumiwe muri Afurika, muri Turukiya, hanyuma mu Buhinde, Pakisitani no mu bindi bihugu byinshi byo muri Aziya kugira ngo mbe ambasaderi mu bikorwa bitandukanye by’urukundo.”

Bhasha Mukherjee yafashe ikiruhuko cy’umwuga nk’umuganga muto nyuma yo kwitabira amarushanwa ya nyaminga w’isi mu Kuboza 2019.

Mu ntangiriro za Werurwe, uyu mukobwa w’imyaka 24 yari amaze ibyumweru bine mu Buhinde mu izina rya Coventry Mercia Lion Club, umuryango utabara imbabare aho yari ambasaderi wawo.

Aho mu buhinde yasuye amashuri agenda ayagenera impano ndetse anasura abana babakobwa batereranwe.

Uko ikibazo cya coronavirus cyiri kurushaho kwiyongera mu rugo mu Bwongereza, Mukherjee yabonaga ubutumwa bw’abahoze bakorana nawe mu bitaro byiwabo bya Pilgrim i Boston, mu burasirazuba bw’Ubwongereza, bamubwira ukuntu ibintu bibakomereye.

Niko kuvugana n’itsinda ry’abayobozi b’ibitaro kugira ngo abamenyeshe ko ashaka gusubira ku kazi.

Nkuko yakomeje abitangariza CNN yavuze ko ntacyo byaba bimaze kwambara ikamba rya nyampinga w’Ubwongereza, ndetse no kwirwa mubikorwa by’ubutabazi, mu gihe abantu ku isi barimo bapfa bazize coronavirus kandi nabagenzi be barimo bavunika cyane.

“Iyo urimo ukora iyi mirimo yose yubutabazi mumahanga, uba ufatwa nkumuntu wambaye ikamba ryubwiza kandi witeguye kuguma kugaragara neza “.

Ariko, yongeyeho ati: “Nifuzaga gusubira mu rugo. Nifuzaga kuza nkahita nkomereza ku kazi.”

Mukherjee, wimukiye mu mujyi wa Derby mu Bwongereza avuye i Kolkata afite imyaka 9, yagize ati: “Numvise ko ibi aribyo naboneye iyi mpamyabumenyi ndetse nigihe cyanjye cyiza cyo kuba muri uyu mwuga kuruta ikindi gihe cyose. ”

Ati: “cyari igihe cyiza ko isi yishimira abakozi binjyenzi kandi nanjye nahoze nifuza kuba umwe murabo kandi ndabiziko mfite ubwo bushake bwo gufasha.”

Mukherjee yagarutse mu Bwongereza ku wa gatatu nyuma yo gukorana na komisiyo nkuru y’Ubwongereza i Kolkata ikamufasha kubona indege iva mu Buhinde yerekeza i Frankfurt mu Budage, hanyuma ikamugeza I Londres.

”Nta gihe cyiza kuri njye nko kuba nyampinga w’Ubwongereza nkanafasha Ubwongereza mu gihe gikenewe nkiki “.

Mukherjee yahise ajyanwa mukato mugihe cyibyumweru bibiri nkabandi bose bavuye hanze yigihugu kugeza igihe azasubira ku kazi nk’umuganga mu bitaro bya Piligrim. Asanzwe azobereye mu buvuzi bw’ubuhumekero ariko akavuga ko kuri ubu abaganga bazunguruka aho bakenewee hose.

kurubu mu bwongereza harabarurwa abarwayi ba coronavirus bangana 55,242 mugihe abangana 6,159 bamaze guhitanwa nububwandu bwa coronavirus.

 

Tanga Igitekerezo ukoresheje Facebook

SHARE