Search

Nyamuneka amakosa nk’aya mu rukundo utayitondeye warya akadobo

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Nk’uko mu buzima busanzwe hari amakosa benshi badakunze kubasha kwihanganira, mu rukundo naho hari amakosa wakorera umukunzi wawe cyangwa uwo mwashakanye bikaba byavaho n’intandaro yo gushwana burundu ibyari urukundo bikaba amateka. 

f3598c255ea4c5d181c55f855d22ba1bUrubuga ibyamamare.com rwabakusanyirije amakosa akunze kugaragara mu Rwanda nk’asenya urukundo rwa benshi:

1.Gucana inyuma cyangwa Gutendeka:

Ikintu cyaje ku isonga gishobora gutuma urukundo ruhagarara cyangwa umwe mu bakundana adashobora kwihanganira ni “Ukumuca inyuma” yarangiza akabimenya.

Aha abenshi bavuze ko iyo umuntu yatangiye kuguca inyuma bigaragaza ibintu byinshi, birimo agasuzuro, urukundo ruke hafi ya ntarwo, cyangwa se ko yifitiye ingeso yo gujarajara mu bakobwa cyangwa abahungu.

Guca inyuma abenshi bita gutendeka ngo ni cyo kintu kibi gishobora gutuma urukundo rusenyuka aho abenshi bagize bati “Nta gusangira inyanya n’inyoni”.

2. Kutavugisha ukuri:

Kutavugisha ukuri na byo biri mu bintu abantu badakunze kwihanganira mu rukundo. Aha abenshi bavuga ko iyo umuntu akundanye n’undi akaza kuvumbura ko atamubwiza ukuri cyangwa se hari ibintu yamubeshye kandi ahanini ari byo musingi w’urukundo bahita batandukana.

Kuri iki kibazo abenshi bavuga ko iyo umuntu umubajije ikintu akabubeshya nyuma ukaza kubinyema usanga aba yaragutesheje umwanya, ku buryo uhita umushyira mu cyiciro cy’abahemu cyangwa abagome.

3. Agasuzuguro:

Agasuzuguro cyangwa kutubaha umukunzi wawe bishobora kubatandukanya kuko abenshi bavuga ko inshuti cyangwa umukunzi ari umwe mu bantu baba bagomba kubagarurira icyubahiro ahantu hose.

Bavuga rero ko iyo umukunzi atangiye kugusuzugura aba arimo no kugusuzuguza abantu hirya no hino. Ikindi kandi ngo iyo umukunzi wawe agusuzugura aba yanatangiye gukora ibintu bigutesha icyubahiro hanze, bikaba byatuma n’abazi ko muziranye bagusuzura.

4. Kwihagararaho cyangwa kutava ku izima:

Kwihagararaho cyangwa kutava ku izima ni kimwe mu bintu abantu badashobora kwihanganira mu rukundo kuko usanga umuntu nk’uyu bigoranye kugira ngo yemere ikosa cyangwa se abe yagirwa inama.

Abantu bavuga ko iyo umuntu atajya ava ku izima bigorana cyane kugira ngo mube mwahuza urugwiro mu gihe cyo gutekereza umushinga kuko ibyo aba yishyize mu mutwe aba adashaka kubivaho.

Ibi rero bituma abenshi bahitamo gutandukana kuko ubwumvikane hagati yabo buba ari ntabwo.

5.Kutabona urukundo uko bikwiye (Manquer d’affection):

Hari abantu bazi ko gukundana ari ukubyemeranywaho gusa ubundi bikaba birangiye. Iyo ukundana n’umuntu rero ugomba kumugaragariza urukundo umunsi ku munsi, ukanamukorera na bimwe mu bikorwa by’urukundo.

Bamwe mu bo twaganiriye bemeza ko gukundana n’umuntu utakwereka urukundo uko bikwiye birambirana ndetse rimwe na rimwe umuntu akaba yafata umwanzuro wo kumureka agashaka uwifitemo urukundo ndetse unarutanga mu buryo bwaguye.

6. Gutaranga/ Amagambo:

Abantu benshi ntibajya bihanganira umukunzi ugira amagambo menshi, ugenda avuga mugenzi we mu byiza no mu bibi.

Aha bavuga ko aba arimo kumutaranga kuko atari byiza gukundana n’umuntu ugushyira ku karubanda mu buryo bwose. Mbese ugasanga ari wa muntu wihutira kuvuga buri kintu cyose umukunzi we yakoze.

7. Ibikorwa by’urukozasoni/Kutiyubaha:

Ibikorwa by’urukozasoni na byo ni kimwe mu bintu bidindiza urukundo ndetse bikaba byanatuma ruhagarara kuko abantu benshi batajya bihanganira gukundana n’umuntu ukora ibikorwa bibatesha agaciro.

Bimwe mu byo bashyize ahagaragara ni nko gukundana n’umuntu w’umusinzi kabuhariwe, uvuga amagambo aterekeranye mu bantu, uwambara bimwe bisa no kwambara ubusa n’ibindi nk’ibyo.

Ibindi bintu abantu bavuga ko batakwihanganira ni ‘Uburyarya no Kutabereka inshuti n’umuryango.’

Kanda hano udukurikire kurubuga rwacu rwa youtube, urasangaho ibiganiro n’amashusho y’indirimbo bishya twaguhitiyemo, ntiwibagirwe gukana ahanditse”Subscribe” Kanda hano ujye udukurikira kuri facebook yacu, ntiwibagirwe gukora Like

MUHIMPUNDU Chantal

Comments

comments




Leave a Reply

Your email address will not be published. Required fields are marked *