Search

Nyamuneka nuhitamo umukunzi ugendeye kuri ibi, ntuzatinda kwicuza no kuririra mu myotsi!

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Ibijyanye n’urukundo abantu babyumva mu buryo butandukanye, ndetse rimwe na rimwe ugasanga hari aho benshi bibeshya bityo bikaba byanatuma bita ku bitari ngombwa mu gihe bahitamo abo bakundana ndetse bakanapanga kuzibanira akaramata!

Ibi rero ni bimwe mu by’ingenzi abanyarwanda by’umwihariko dukunda gushingiraho nyamara atari byo bya ngombwa mu rukundo:

1.Ubusugi/Ubumanzi

Cyane cyane ku basore b’abanyarwanda, usanga rwose benshi baha agaciro ubusugi mbese ugasanga buri wese yiyumvisha ko umusore utomboye akabona inkumi ikiri isugi(dore ko ngo ari na bake) rwose ngo aba aguye ahashashe!

Sinahakana ko ari byiza ndetse ari ishema ku mukobwa kurinda ubusugi bwe, ariko rwose musore ntibizagucire umwenda kuko ubusugi butagira ubupfura, butagira umutima wihangana kandi wicisha bugufi, ntago aribwo bwakubakira. Ndetse yewe binabaho ko umukobwa ukiri isugi ashaka umugabo nyuma akamuca inyuma kakahava!

2.Imyaka

Ibi bimaze kuba rwose nk’ihame ko abanyarwanda benshi bamaze kwishyiramo ko umusore/umugabo wese agamba gushaka umugore/umukobwa arusha imyaka! Yewe n’iyo hari umusore wikundiye umukobwa umuruta usanga benshi babitindaho! Nyamara si ikibazo na gato ndetse ni imyumvire iri hasi cyane rwose! Nta ngaruka n’imwe yaterwa n’uko umukobwa aruta umusore bakundana kereka bikabije cyane! Hari n’abemeza ahubwo ko urukundo nk’urwo ruramba kandi rugashinga imizi!

3.Ubwoko

Biteye agahinda cyane kumva hari abantu bakiyumvisha ko bagomba gushakana n’abo bahuje ubwoko, ndetse hari n’abakundana bagatanywa n’uko badahuje ubwoko kandi urukundo rwabo rwari rugeze aharyoshye! Nkubwije ukuri ko bene ibyo ubyitayeho wazisanga uri kuririmba urwo mbonye!

4.Idini

Iyo bigeze ku kibazo cy’amadini ho biba ibindi bindi pe! Ugasanga umuntu mukuru uzi ubwenge ndetse akenshi ari n’intiti yaraminuje, nyuma y’uko umukunzi we yanze kumusanga mu idini hagakurikiraho gutandukana. Nyamara burya mudahubutse hakabaho koroherana byose mwakwicara mukabiganiraho kandi umuti waboneka. Ibi usanga akenshi ababikora bifuza kugarukira abo bari barihebeye nyamara amazi yararenze inkombe!

5.Ubutunzi/Amafaranga

Iyo bigeze aha byo benshi ntibavuga rumwe! Urukundo bamwe ngo rwabaye business nk’izindi, abandi ngo ni ugukunda umufuka n’ibindi!

Ngiki rero ikibazo urukundo rw’ubu rufite nyamara nshuti musomyi wa gukunda.com, wowe wagakwiye kubikuramo isomo ukamenya neza ko urukundo ruziritse ku mafaranga cg ku bintu muri rusange, iyo bihiye rushyana nabyo, byabora bikaborana narwo,… Zirikana ko benshi mu bashakana ari abaherwe nyamara ntibamarane kabiri kandi naguhamiriza ko hari benshi biberaho mu buzima buciriritse ariko kubw’urukundo rwabahuje ugasanga umunezero n’akanyamuneza barabitera bakikiriza amahoro. Ntuzatinye gukomeza inzira n’uwo umutima wawe ushaka ngo ujye guta imitwe ubana n’uwujuje imifuka wa mugani wa ya mvugo y’abasore b’ubu!

Nyuma yo kugugezaho ibi udakwiye kugenderaho, ushobora kuvuga uti: none ubwo rero nashingira kuki?

Ubusanzwe urukundo nyarwo rurizana kandi uwo rushatse ruramusanga. Uwo umutima wawe uzakuyoboraho ukumva koko ko umukunze kandi nawe ubona ko agukunda, ntuzazuyaze kumwegurira umutima wawe no kumwiha burundu rwose pe! Birumvikana ko kugirango umukundo hari byinshi kuri we bizaba byanyuze umutima wawe bitewe nyine n’ibyiyumviro byawe! Ibyo birimo: Ubupfura, umutima mwiza, kukwitaho, kugukunda, kuba ashyira mu gaciro kandi ubona mwahuza naho ibindi byose ni inyongera!

Comments

comments




One thought on “Nyamuneka nuhitamo umukunzi ugendeye kuri ibi, ntuzatinda kwicuza no kuririra mu myotsi!

Leave a Reply

Your email address will not be published. Required fields are marked *