Nyarugenge : Hafashwe abasore 6 n’abakobwa 7 bakoreshe ikirori mu masaha y’ijoro banywa inzoga n’itabi ritemewe mu Rwanda(Amafoto)

Ubuyobozi bw’Umurenge wa Nyarugenge bufatanyije n’inzego z’umutekano, bwatahuye urubyiruko rw’abasore n’inkumi 13, rwari rwateguye ibirori ruri kunywa inzoga n’itabi rizwi nka ‘shisha’ rwarenze ku mabwiriza yo kwirinda icyorezo cya COVID-19.

Abafashwe bari abakobwa barindwi n’abasore batandatu aho basanzwe mu Mudugudu w’Ishema, Akagari ka Kiyovu mu Murenge wa Nyarugenge. Hari hagati ya saa tatu na saa yine z’ijoro ryo ku wa Gatanu tariki 15 Mutarama 2021.

Bafashwe byeri zimaze kuryoha

Mukandahiro Hidayat, Umunyamabanga Nshingwabikorwa w’Umurenge wa Nyarugenge yavuze ko aba basore n’inkumi bari mu kigero k’imyaka 22 na 25 bafashwe barenze ku mabwiriza n’ingamba zo kwirinda iwkirakwira rya COVID-19.

Mukandahiro Hidayat yagize ati “Yatubwiye ko hari abantu benshi bizihiza iminsi mikuru, tujyayo turi kumwe n’Inkeragutabara, n’abandi dukorana. Babyinaga bari mu birori bigaragara biteretse inzoga z’amoko atandukanye bafite na bimwe bibujijwe n’amategeko byitwa shisha.”

Banywaga inzoga n’itabi

Ati “Abafashwe bari hagati y’imyaka 22 na 25 nta we uri munsi y’ubukure. Urwo rubyiruko si abo muri Nyarugenge ni ab’ahantu hatandukanye, uyu munsi handuye abantu barenga 200, Covid-19 irahari, urubyiruko ni imbaraga z’igihugu zubaka nibo tureba, ni bo bakwiye gufata iyambere mu kwirinda.”

Abafashwe bacumbikiwe kuri sitasiyo ya Polisi ya La Galette mu Mujyi wa Kigali, mu gihe hagikorwa iperereza kuri iki cyaha cyo gukoresha ikiyobyabwenge cya ‘shisha’.

Itabi rya shisha kuri ubu ritemewe mu Rwanda, abashakashatsi bagaragaza ko ubukana bwaryo bwifitemo gaz yo mu bwoko bwa ‘monoxydes de carbone’, ingana n’inshuro zirindwi ziba mu itabi risanzwe, iyi gaz ikaba ari mbi cyane ku buzima bwa muntu n’ibindi binyabuzima.

Mu 2017, nibwo Minisiteri y’Ubuzima yahagaritse burundu shisha isaba abanyarwanda bose kwirinda kurinywa, kuryamamaza cyangwa kuritumiza hanze y’igihugu hagamijwe kuricuruza.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE