Nyuma y’indirimbo “Kgl my City” Signal agiye kuzenguruka igihugu ahuriza hamwe Abaraperi

“KGL MY City” n’indirimbo nshya ya Signal umuhanzi akaba n’umu Producer na nyiri studio yitwa SMG Record ikorera i Nyamirambo mu mujyi wa Kigali,iyi ndirimbo yahuriyemo abaraperi barimo Fax Rapper ndetse na GloryMajesty bashimangira ko Umujyi wa Kigali ariyo ndiri ya Hip Hop nyayo ko nabo batoroshye muri iyi njyana benshi bita iy’umujinya.

Signal akunda gukora indirimbo zitandukanye agahuriza hamwe abandi baraperi bagenzi be, mu ndirimbo ze zamenyakanye mu myaka yashize harimo iyitwa MY GUN yahurijemo abaraperi nka Bac-T,B Face , Glory, Mr Kagame, Racine na Rwabugiri ndetse na Over dose yakoranye na Khalfan n’izindi zitandukanye.

Muri iyi ndirimbo umuraperi Glory Majesty ubarizwa mu nzu itunganya Muzika ya SMG Record atangira ataka uburyo ki umujyi wa Kigali ariwo gicumbi cya Hip Hop akongera akanitaka ahamya ko ar’umwe mubakomeye muri iyi njyana kandi abifitiye ishema n’ubwo hari abamurenza ingohe ariko nabo bazemera vuba bidatinze.

Signal agiye kuzenguruka mu ntara zose ahuriza hamwe abaraperi bashoboye

Aganira na Ibyamamare.com Signal yatangaje ko afite umushinga wo kuzenguruka hirya no hino mu gihugu mu ntara zose ahuriza hamwe abaraperi batandukanye mu rwego rwo gufasha iyi njyana

Nyuma ya KGL MY CITY ndashaka no kuzenguruka mu ntara hose ndeba abaraperi bashoboye kugira ngo turusheho gushyira itafari ku njyana ya Hip Hop kandi nizera ko ibi tuzabigeraho kuko Hip Hop n’injyana nziza kandi nkunda mbifashijwemo na SMG RECORD tuzahera mu karere ka HuyeSignal

 

Signal,umuhanzi,Producer akaba na nyiri Signal Music Group(SMG RECORD)

Ku bijyanye no kuba akunda guhuriza hamwe abaraperi batandukanye uyu muhanzi akaba n’umu Producer na nyiri SMG RECORD avuga ko abikomora ku rukundo akunda iyi njyana kandi ko atazabihagarika

“Urabona nkunda Hip Hop kandi ndanayikora ni muri urwo rwego hari igihe mba mbona bamwe muri bagenzi bange guhuriza hamwe imbaraga bigorana,icyo nkora mfata iya mbere nkabegera tugahuza imbaraga kugira ngo ubumwe mu njyana yacu burusheho gukomera kandi ibi n’ibintu natangiye ntazarekera ” Signal

Signal avuga ko usibye guhuriza hamwe abahanzi batandukanye muri SMG RECORD banaha amahirwe urubyiruko rutandukanye rufite impano mu kuririmba kugira ngo inzozi zabo zibe impamo aho babafasha ku bijyanye no gutunganya indirimbo.

Umva hano indirimbo KGL MY CITY by Signal,Fax Rapper&Glory Majesty

Tanga Igitekerezo ukoresheje Facebook

SHARE