Padiri Ubald Rugirangoga wari umaze iminsi arembejwe n’uburwayi bwa COVID-19 yitabye Imana aguye muri Amerika

Padiri Ubald Rugirangoga wari umaze iminsi arembejwe n’uburwayi bwa COVID-19 yitabye Imana aguye muri Leta Zunze Ubumwe z’Amerika.

Iyi nkuru yasakaye mu Rwanda mu gitondo cyo kuri uyu wa Gatanu tariki 08 Mutarama 2021.

Padiri Ubald Rugirangoga wari umaze iminsi arembejwe n’uburwayi bwa COVID-19 yitabye Imana aguye muri Leta Zunze Ubumwe z’Amerika.

Rugirangoga, w’imyaka 65, wari umaze imyaka 36 ari umupadiri, yamaze iminsi arwariye mu bitaro bya “University of Utah Hospital” i Salt Lake City muri leta ya Utah muri Amerika.

Ibinyamakuru byaho bivuga ko Rugirangoga umubiri we utari ukirimo Covid-19, ahubwo yariho arwana n’izindi ndwara zamukomereye kubera iki cyorezo.

Bivuga kandi ko iki cyorezo yaba yaracyanduye mu kwezi kwa 10 ubwo yari mu masengesho yo gukiza abantu ahitwa Green Bay muri leta ya Wisconsin mu kwezi kwa 10 umwaka ushize.

Itangazo rya disyosezi ya Cyangugu ryasinyweho n’umushumba wa diyoseze ya Gikongoro rivuga ko Rugirangoga yapfuye mu rukerera rw’uyu munsi kuwa gatanu muri Leta zunze ubumwe za Amerika.

Mu minsi ishize, hagiye hatangazwa ubutumwa mu mashusho bw’uyu mupadiri ari mu bitaro asaba abantu kumusengera, ariko anavuga ko ari koroherwa kandi yizeye gukira.

Rugirangoga ukomoka mu burengerazuba bw’u Rwanda, ni umupadiri uzwi cyane mu Rwanda kubera ubuhamya bwa benshi bavuga ko asengera abarwayi bagakira.

Itangazo rya disyosezi ya Cyangugu rivuga ko “ibijyanye n’imihango yo kumushyingura tuzabimenyesha mu rindi tangazo”.

Tanga Igitekerezo ukoresheje Facebook

SHARE