Search

Padiri Uwimana Jean Francois uririmba injyana ya hip hop yemezako Hip hop ari umuyoboro mwiza wanyuzamo ubutumwa bwiza (REBA VIDEO)

IBM Radio Listen Live

KANDA HANO UREBE VIDEO

Jean Francois Uwimana , umupadiri uririmba injyana ya Hip Hop aremezako iyi njyana ari umuyoboro mwiza wanyuzamo ubutumwa bwiza bukwiye rubanda. Kandi abavugako Hip Hop ari y’ibirara baba batabashije gusobanukirwa neza ubusobanuro bw’ijambo injyana.

Uyu mupadiri ubarizwa muri diyoseze ya Nyundo akaba akorera umurimo w’Imana kuri paruwasi ya Mubuga , n’umuhanzi munjyana zitandukanye nka Hip Hop , RnB ,Zouk ndetse na Reggae bitamenyerewe cyane kubona umupadiri w’umuhanzi uririmba kugiti cye

DSC_0081Padiri Jean Francois Uwimana

Padiri Jean Francois avugako yafashe icyemezo cyo kuririmba muri izi njyana zigezweho kandi ziba zinakunzwe cyane mu rubyiruko ari uko yakundaga kumva urubyiruko ruririmba indirimbo zisanzwe z’ubuzima ariko bataririmba Imana maze agahitamo gufasha urubyiruko muri rusange rukunda izi njyana kugirango nabo bamenye iby’Imana , doreko izindi ndirimbo zikunda kwifashishwa munsengero baba bataziyumvamo cyane.

Akomeza asobanurira abibwirako Hip Hop ari injyana y’ibirara ko baba bibeshya cyane , yagize ati ”ijambo Hip bisobanura ubwenge naho Hop bigasobanura gusimbuka , iba injyana y’ibirara bitewe n’amagambo y’uburara yaba yavugiwe muri iyo njyana ,kimwe nk’uko banayavugira muri Zouk cyangwa RnB  ubwo rero ikibazo n’abayikora n’uburyo bayikoramo.”

Uyu mupadiri kandi ngo kuba afatanya umurimo w’ubupadiri n’umuziki bitamubangamira kuko byose aba arimo kubwiriza ubutumwa bwiza kandi ari nawo muhamagaro we. Yemezako kuririmba yabiherewe umurenganzira na Musenyeri mukuru kugira ngo abashe gukwirakwiza ubutumwa bwiza mu rubyiruko.

DSC_0084

Yatangiye umuziki we ubwo yari ajyiye mu mashuri yisumbuye afite imyaka 12 y’amavuko , aha indirimbo zikaba zarakundaga kumvikana cyane mu kiliziya kuko zabaga ziri munjyana za cyera. Kuva yaba umupadiri amaze kugira indirimbo zigera ku munani zigize umuzingo we wa 1 kandi zikozwe munjyana zigezweho , izi ndirimbo zose kandi zikaba zifite amashusho nayo akozwe kuburyo bugezweho akaba arimo gutegura n’indi Album ya 2.

Kanda Hano urebe indirimbo ya Padiri yise “Gusenga”

Padiri Jean Francois asoza asaba abantu kumushyigikira mu gikorwa kiza arimo babaye bagishimye kuko muri we ibyishimo bye n’uko yazajya agenda akumva abantu baririmba Imana cyane kurusha uko baba baririmba izindi ndirimbo zisanzwe.

Kanda Hano ukomeze udukurikire kuri facebook , kuri twitter kanda hano, kuri youtube kanda hano, bizajya bikorohera guhita ubona amakuru yacu muburyo bwihuse.

@Stony Paparazzi

Comments

comments




10 thoughts on “Padiri Uwimana Jean Francois uririmba injyana ya hip hop yemezako Hip hop ari umuyoboro mwiza wanyuzamo ubutumwa bwiza (REBA VIDEO)

  1. jems

    komerezaho kandi ntugakangwe n’ibigambo by’abatukana batarezwe. icyo nababwira nuko iyo udashaka ikintu uricecekera ntutukana iyo warezwe bien sur!

    Reply
  2. Confiance

    komerezaho imana izaguha umugisha dufatanye kogesa ubutumwa bwiza kwisi hose nabantu bingeri zose

    Reply

Leave a Reply

Your email address will not be published. Required fields are marked *