Search

Pasiteri Ezra Mpyisi yanenze umuvugabutumwa Niyibikora Nicas uherutse kwibasira Abagore kuri Radiyo

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Pasiteri Ezra Mpyisi yatangaje amagambo anenga umuvugabutumwa Niyibikora Nicolas uherutse kugereranya Itorero ry’Imana n’Abagore avuga ko ririmo ibibi byinshi byatewe nabo,ndetse anashimangira ko Abagore bakwiye kwicara bazi ko bafitanye ikibazo n’Imana.

Pasteri Ezra Mpyisi yavuze ko mu byukuri umuntu ufata itorero ry’Imana ,akarigereranya n’Abagore ntaho aba ataniye n’injiji karundura.

Uyu muvugabutumwa uzwi ku izina rya Niyibikora yafashe imirongo yo muri Bibiliya, akoresha amagambo atyaye, agaragaza ububi bw’abagore.

Umuvugabutumwa Niyibikora ari kuri Radio Amazing Grace muri Mutarama 2018, yagize ati “Ikibazo abagore bafite uyu munsi ni uko babaye indaya, reka rero nze mbabwire umugore uko agaragara imbere y’Imana. Icya mbere afitanye ikibazo n’Imana […] Isi ya mbere ijya kurimbuka abagore babigizemo uruhare. Icyiza cy’umugore ni iki? Wakivana he? Aburahamu ananirwa guhamya Imana mu Misiri, uwamugiriye inama yo kwicecekera si umugore? Wicare uzi ngo Imana ifitanye ikibazo n’umugore ndetse n’amatorero.”

Yakomeje agira ati “Aburahamu ajya kwisohoreza amasezerano uwamugiriye inama ngo anyuranye na gahunda y’Uwiteka si umugore? Umugore mwebwe muramwitiranya. Umugore ni mubi noneho mbivuge. Umugore ni mubi adindiza gahunda z’Uwiteka […] wagiye wumva neza ububi bw’umugore.”

Uyu muvugabutumwa yamaganwe n’Impuzamiryango iharanira uburenganzira bw’abagore, Pro-Femme Twese Hamwe, amusabira gukurikiranwaho ivangura

Nkuko ikinyamakuri Igihe.com dukesha iyi nkuru cyabitangaje, cyavuze ko, Pasiteri Ezra Mpyisi nawe yabwiye itangazamakuru ko kugereranya Itorero n’umugore ari kidafatika, kitanakwiye ku muntu wumva Bibiliya.

Yagize ati “Ni ikigereranyo kibi ntikiri no muri bibiliya ntaho gihuriye ni iby’Imana …Yabuze ibyo yigisha Itorero ry’Imana ntaho rihuriye n’abagore, uwo muntu ntakwiye kongera kwigisha ngo Itorero ry’Imana rigereranywa n’abagore. Umwigisha w’ukuri w’ijambo ntagereranya iby’Imana n’abagore.”

Akomeza agira ati “Erega iyo umuntu agiye mu bintu atabizi arabitoba. Simuciraho iteka ariko njye namugira inama yo kuza nkamwigisha nkamubwira ko Itorero ry’Imana ntaho rihuriye n’abagore, yaza nkamwigisha nkamwereka Bibiliya icyo ivuga.”

Pasiteri Mpyisi yavuze ko umuntu ugereranya ijambo ry’Imana n’Abagore aba ari injiji

Mpyisi avuga ko Umuntu w’igisha ijambo ry’Imana arigereranya n’Abagore rizamukoraho kuko umwigisha w’ukuri adakwiye kugereranya ibyo byombi bitagira naho bihuriye Yagize Ati” Hono mu Rwanda umugore yahawe agaciro kimwe n’umugabo nawe ashirwa kuntebe none uyu we yayimukuyeho, murumva bitazamukoraho se? nareke kuvanga yigishe ijambo ry’Imana rifitiye abantu akamaro.

Yakomeje avuga ko Bibiliya yahumetswe n’Imana yandikwa n’umuntu, bityo ngo hari abatamenya gutandukanya iby’Imana n’iby’umuntu.

Ati “Kugereranya umugore n’Itorero ni iby’injiji itazi Bibiliya. Simuciraho iteka ibyo ni ibye si ibyanjye ariko njye simbyemera. Yaza nkamwigisha nkamubwira ko Itorero ry’Imana ntaho rihuriye n’abagore kandi nkanabimwereka, namwereka bibiliya icyo ivuga. Imana se igiye mu bagore igira umugore, Imana nta mugore igira ntijya mu by’abagore. Noneho undi azavuga ati ’Itorero ry’Imana ni abagabo, urumva ukuntu bizaba umwaku.”

KWIZERA Juvenal

Comments

comments




Leave a Reply

Your email address will not be published. Required fields are marked *