Pasiteri uri mububashywe cyane muri Africa y’Epfo yavuze ko yiteguye gutsinda umudayimoni wa Coronavirus mu gihe yaba ahawe ibihumbi 100 by’amadalari.

Pasiteri Paseka Motsoeneng uzwi nka Mboro wo muri Africa y’Epfo yavuze ko yiteguye gutsinda umudayimoni wa Coronavirus mu gihe yaba ahawe ibihumbi 100 by’amadalari.

Uyu mupasiteri wamenyekanye cyane mu kwizeza abantu ibitangaza bidasanzwe yavuze ko yifuza kurokora Isi ubu yugarijwe n’icyorezo cya Coronavirus kimaze guhitana abarenga ibihumbi 40.

Pasiteri Paseka Motsoeneng uzwi nka Mboro wo muri Africa y’Epfo

Yavuze ko mbere y’uko iki cyorezo cya Coronavirus cyaduka, Imana yari yabimuhishuriye ndetse ko yamweretse ko afite ububasha bwo kukinesha.

Ati “Niteguye gutabara ikiremwamuntu. Imana yari yanyeretse ko hagiye kubaho umuzimu wa Coronavirus none ngiye kumutsinda.”

Yasabye Isi kudapfusha ubusa amafaranga bayashora mu bushakashatsi bw’urukingo rwa COVID-19 kuko iki cyorezo cyazanywe n’umudayimoni kandi afite ububasha bwo kumutsinda.

Ati “Ntidukeneye ubushakashatsi buhenze, ikibazo nyirizina ni umudayimoni uri guteza iyi ndwara kandi niteguye kumwica rimwe rizima.”

Mboro wo muri Africa y’Epfo yavuze ko yiteguye gutsinda umudayimoni wa Coronavirus

Avuga ko ashaka kujya ikuzimu guhangana n’uriya mudayimoni ndetse ko ariya mafaranga 100 000 USD ari kwaka ari ayo azifashisha mu rugendo rwerekezayo.

Muri 2017 yavuze ko yagiriye uruzinduko ikuzimu akaharwana urugamba rutoroshye rwamuhuje na Satani ndetse agasiga amwishe ubutazazuka.

Tanga Igitekerezo ukoresheje Facebook

SHARE