Search

Passy wahoze muri TNP yinjiye muri Kina Music mugihe byari bizwiko yaretse muzika

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Passy umwe mu basore babiri bahoze bagize itsinda rya TNP, nyuma yuko iritsinda risenyutse uyu musore yahise yinjira mu itangazamakuru benshi bakekako yahagaritse muzika. Kuri ubu Passy yinjijwe mu bahanzi bakorera muri Kina Music, akaba yatangiye no kwamamaza indirimbo nshya yakoreyemo.

Passy yagarutse muri muzika yinjira muri Kina Music.

Mu kwezi kwa Gatandatu muri 2017 nibwo byemejwe n’abanyirubwite ko itsinda rya TNP ryatandukanye.

Nyuma yo gutandukana kw’iritsinda Kizito Pascal uzwi nka ‘Passy’ umwe mubari barigize yahise atangaza ko yinjiye mu mwuga w’itangazamakuru aho akora ikiganiro kuri televiziyo Rwanda.

Kuri uyu wa Kane nibwo hasohotse ifoto yatunguye benshi mu bakurikiranira hafi muzika Nyarwanda yamamaza indirimbo yitwa “ Mbaye wowe” y’uyu musore Passy na Butera Knowless yakorewe muri Kina Music.

Passy yemereye Ibyamamare.com ko yagarutse muri muzika ariko ngo ntiyari yaranayiretse ahubwo ni gahunda nyinshi yari afite yagombaga kubanza kurangiza.

Uyu musore yirinze gutangaza byinshi ku mikoranire ye na Kina Music gusa yemeza ko ariho ari gukorera imishinga ye ya muzika muri iki gihe.

Ishimwe Clement uyobora Kina Music nawe yemeje aya makuru avuga ko koko bagiye kujya bafasha Passy bya hafi ariko we ngo nta masezerano y’igihe runaka bagiranye. Yagize ati “Yego rwose nawe tuzajya tumufasha bya hafi burya iyo ukora hari abantu uba ufata nk’inshuti za hafi ku buryo nabo ubafasha uko ushoboye. Passy nawe tuzajya tumufasha ariko nta masezerano.

Clement avugako atari Passy gusa bazajya bakorana gutya kuko ngo na Makanyaga Abdoul ari bwo buryo bakoranamo.

Indirimbo ya Passy na Knowless ari nayo ya mbere uyu musore akoreye muri Kina Music izajya hanze kuri uyu wa Kane tariki 17 Gicurasi 2018.

Ifoto yamamaza indirimbo nshya ya Passy na Knowless.

Passy na Tracy bahoze bagize itsinda TNP.

 

 

Ivan Heritier

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.