Search

Patient Bizimana yavuze ko afite umukunzi n’ubwo ataramenyekana anakomoza ku rukundo rwavuzwe hagati ye na Miss Kundwa Doriane, Doborah Masasu na Gaby Kamanzi

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Patient Bizimana , uzwi cyane mu kuririmba indirimbo zo kuramya no guhimbaza Imana, yahamirije abakunzi be ko adateze kuzaba Padiri ahubwo kugeza ubu afite umukunzi uri ahantu runaka n’ubwo ataramenyekana ndetse akaba yiteguye kuzana umugore mu gihe kitarambiranye.

Ubwo uyu muririmbyi yatangazaga akamuri ku mutima nyuma y’uko Ise umubyara yifuje ko yazana umugore bitarenze muri uyu mwaka wa 2018, Patient Bizimana yagaragaje ko yumvise icyifuzo cye, ndetse anaboneraho umwanya wo kugira icyo atangaza ku bakobwa batandukanye bagiye bavugwa ko bari mu rukundo nawe.

Abakobwa yakomojeho harimo Miss Kundwa Doriane wabaye Nyampinga w’u Rwanda muri 2015  , Deborah Masasu  umukobwa wa Apotre Masasu na Gaby Kamanzi umuhanzikazi w’umunyaRwanda akaba ari bamwe bagiye bashirwa mu majwi cyane ko bari mu rukundo nawe ariko ku mpande zombie, ntihagire uhamya neza amakuru nyakuri ku rukundo ruvugwa hagati yabo.

Urukundo rwe na Doriane rwatangiye kuvugwa mu 2016, bivugwa ko Patient Bizimana ari mu Rukundo na Miss Rwanda 2015 Kundwa Doriane akaba ari inkuru yatutumbye bikomotse ku mafoto yakundaga kugaragara bari kumwe mu bitaramo bitandukanye  bya Gospel.

Aya makuru y’urukundo hagati ye na Kundwa Doriane yatangiye gushyimangirwa by’ukuri nyuma y’isabukuru y’amavuko Patient Bizimana yagize uyu mukobwa akagaragara mu bitabiriye ibirori bye, byari byateguwe na Aline Gahongayire n’inshuti za hafi za Patient Bizimana n’abo mu muryango hari ku italiki ya 1 Gashyantare 2016.

Ni ibirori byari byateguwe n’inshutu ze mu buryo bwibanga kuko zashakaga ku mutungura zimukorera agashya ku munsi we w’Amavuko, icyo gihe yanifotozanyije na Miss Rwanda 2015 Kundwa Doriane amafoto atangira gucicikana kuburyo ndetse hatagira numwe uzuyaza ko hagati yabo hari urukundo.

Nyuma y’igihe gito Patient yavuzweho gukundana n’ umukobwa wa Apotre Masasu ,  Doborah Masasu, gusa hagati aho muri bo ntawigeze ahamya ko aya makuru ariyo koko, kugeza ubwo hanasohotse andi makuru avuga ko Patient Bizimana na Deborah Masasu batandukanye ntawe ufite amakuru nyakuri yo gukundana kwabo,Patient Bizimana yanavuzweho gukundana na Gaby Irene Kamanzi.

Patient Bizimana, agaruka ku rukundo yagiranye n’aba bakobwa bose, yahakanye ko muri bo ntanumwe bigeze bakundana, aha ninabwo yamaze irungu abakunzi be agendeye ku cyifuzo Se yagize cy’uko yazana umugore muri uyu mwaka 2018, ubwo yari yitabiriye igitaramo cye cyabaye kuri Pasika yise Easter Celebration cyabaye kuya 1 Mta 2018.

Aha yavuze ko mu byukuri adateze kuzaba Padiri ahubwo afite umukunzi Imana yamuteguriye n’ubwo ataramenyekana kandi ko Imana ikomeje kumutiza imbaraga uyu mwaka 2018 wazasiga yarakoze ubukwe.

Yagize ati :”Nta mukobwa n’umwe twakundanye (Miss Doriane, Gaby Kamanzi na Deborah Masasu). Uwo tuzakundana muzamumenya kandi nzamubabwira, umukobwa wese tuzakundana nzamubabwira, nzamutangaza ntabwo ari ibanga kandi ubukwe buzaba abantu bose babireba. Umuntu nshakisha ni umuntu wanjye Imana yandemeye, arahari ari ahantu runaka, ni igihe cy’Imana gusa. Kimwe mu bintu maze kubona ni uko inzira z’Imana zitandukanye n’izacu, kandi Imana izi ibyo yibwira kutugirira si ibibi ni ibyiza, icyo dusabwa gusa ni ugutegereza twihanganye.”

Patient Bizimana na Miss Rwanda 2015 Kundwa Doriane

Patient Bizimana yanavuze ko nawe ari gusengera yuko Imana yamufasha maze nawe akazereka ubukwe bwe abakunzi be ndetse na Se wamusabye ko yazana umugore ubwo yamuhaga inka akibonera umusaruro bitanze, yavuze ko ntakabuza ko 2018 yasiga akoze ubukwe ibindi byabaho keretse ari Imana ibyigije inyuma kugira ngo izabimukorere imutunguye( Surprise).

Patient Bizimana na Deborah Masasu

Patient Bizimana na Gaby Irene Kamanzi

KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *