Search

Perezida Jacob Zuma yifatanije mu kababaro n’ umuryango w’umwana wazize uburwayi bwo gusaza byihuse!

IBM Radio Listen Live

KANDA HANO UREBE VIDEO

Umukobwa ukomoka mu gihugu cya Afurika y’Epfo yataburutse nyuma y’uko agejeje imyaka 18 y’amavuko abaganga bo bavugaga ko adashobora kugeza iyo myaka kuko yavukanye uburwayi butuma umuntu ataramba.

Ontlametse Phalatse wari ufite imyaka 18 y’amavuko yakiriwe mu biro bya Perezida wa Afurika yepfo Jacob Zuma

Uyu mukobwa,Ontlametse Phalatse wari ufite imyaka 18 y’amavuko, ni umukobwa ufatwa nk’intwari muri Africa y’Epfo. Yavukanye uburwayi budasanzwe bwitwa Progeria butuma umuntu asaza vuba.

Akivuka ababyeyi be babwiwe n’abaganga ko uyu mukobwa adashobora kuzagira imyaka 18 y’amavuko, abamukurikiranaga bavugaga ko azapfa ku myaka 14 y’amavuko nyamara batunguwe n’uko yizihizaga isabukuru y’amavuko mu minsi ishize.

Imyaka 18 Ontlametse Phalatse akaba yarayujuje ku itariki 25 Werurwe2017. Mu buzima bwe yari yarasabye ko Perezida w’Afrika y’Epfo Jacob Zuma yamwemerera bakazizihanya isabukuru ye y’imyaka 18 ndetse arabimwemerera.

Nk’uko BBC dukesha iyi nkuru yabitangaje ngo nyuma y’aho Ontlametse Phalatse , yitabye Imana kuri uyu wa gatatu, Perezida Zuma yahise yohereza ubutumwa bw’akababaro ku muryango wa nyakwigendera bafataga nk’umwana w’igitangaza.

Ngo Ontlametse Phalatse yari yarasabye inshuti ze, ababyeyi n’abavandimwe kujya bamwita “First Lady” cyangwa se Umugore wa Mbere, izina ubusanzwe rihabwa umugore wa Perezida, kuko ngo ni we muntu w’igitsinagore wenyine muri Africa y’Epfo basanzemo iyo ndwara yamushajishaga ku myaka 18 y’amavuko.

Ontlametse Phalatse ubwo yizihizaga imyaka 18 y’amavuko

Ontlametse Phalatse yari yaramaze kwiyakira nubwo yari yarabwiweko atazarenza imyaka 14 y’amavuko, uyu mukobwa yakundaga kwiyita First Lady yatabarutse ku myaka 18 y’amavuko.

Comments

comments




Leave a Reply

Your email address will not be published. Required fields are marked *