Perezida Kagame mubitabiriye igitaramo Ne-Yo yakoreye muri Kigali Arena(Amafoto)

0
915

Perezida wa Repubulika y’u Rwanda, Paul Kagame n’umukobwa we Ange Kagame  ni bamwe mu bantu barenga ibihumbi 6 bitabiriye igitaramo cyiswe kwita Izina Concert cyabereye mu nyubako ya Kigali Arena kuri uyu wa Gatandatu tariki 07 Nzeli 2019.

Perezida Kagame asuhuza abitabiriye igitaramo

Iki gitaramo cyari gitegerejwe na benshi uwari uhanzwe amaso cyane ni umuhanzi Ne-Yo waturutse muri leta zunze ubumwe za Amerika, akaba ari ubwambere yataramiye mu Rwanda aho yanishimiwe cyane n’abakunzi b’umuziki bari baje kumureba.

Ni igitaramo cyateguwe n’Ikigo cy’Igihugu cy’Iterambere (RDB) mu bikorwa biri muri gahunda zo gusoza umuhango wo Kwita Izina abana 25 b’ingagi, wabereye mu Kinigi mu Karere ka Musanze ku wa 6 Nzeri 2019.

Ange Kagame nawe ari mu bihumbi by’abantu bitabiriye iki gitaramo

Umukuru w’igihugu Paul Kagame yabanje kwinjira mbere y’uko bahamagara umuhanzi Ne-Yo ngo aze aririmbe. Abari mu gitaramo bamaze kubona ko na Perezida aje muri iki gitaramo babyishimiye cyane batangira nawe kumuririmbira.

Inyakiramashusho zirindwi ziri muri Kigali Arena zamwerekanye ubwo yari ageze ahabereye iki gitaramo abitabiriye bavuza akaruru k’ibyishimo bakoma amashyi yo gusanganirwa n’Umukuru w’Igihugu muri iki gitaramo giherekeza umuhango wo ‘Kwita Izina’ wabaye kuwa 06 Nzeli 2019

Perezida Kagame wafunguye Kigali Arena ku wa 9 Kanama 2019, yifatanyije n’Abanya-Kigali mu kuyiganuriramo igitaramo cya mbere gikomeye cyatumiwemo umuhanzi ukunzwe mu njyana ya RnB ku Isi, Ne-Yo, hari harimo n’abahanzi bo mu Rwanda nka Meddy, Bluce Melody, Charly na Nina ndetse n’umuraperi Riderman.

Ne-Yo yashmishije abakunzi b’umuziki we bari bateraniye munyubako ya Kigali Arena

Mubandi batunguranye muri iki gitaramo harimo umunyarwandakazi Sherrie Silver wamamaye mu mbyino.

Uyu mukobwa yari kumwe n’itsinda ry’ababyinnyi be bo mu Rwanda akunda gukorana naryo mu bikorwa bitandukanye.

Sherrie Silver yabyinnye abenshi bamukurira ingofero kubera uburyo akaraga umubyimba

Mbere y’uko ajya ku rubyiniro babanje bashyiramo amashusho y’igihe yahabwaga igihembo cya MTV VMA nk’umubyinnyi mwiza, banashyiramo indirimbo yitwa ‘This America’ yatumye abona uyu mwanya.

Bashyizemo amashusho yerekana ibihe byiza uyu mukobwa yagiriye mu Rwanda ubwo yasuraga ibirunga mu ntangiro z’iki cyumweru.

 

 

SHARE