Perezida Kagame yagaragaje ibyishimo atewe no kuba afite umwuzukuru, ashyira hanze ku nshuro ya mbere ifoto ari kumwe nawe amuteruye.

Perezida Kagame kuri Twitter yasohoye ifoto ari kumwe n’umwuzukuru we. Yari iherekejwe n’amagambo avuga ko mu mpeza z’Icyumweru yishimanye nawe, akumva araruhutse.

Amagambo aherekeje ifoto Perezida Kagame yashyize kuri Twitter agira ati:“ Mu mpeza z’Icyumweru nagize ibihe byiza ndaruhuka ariko mbikora ndi kumwe n’uyu mwana mwiza muto. Imana imuhe umugisha.”

Perezida Kagame yagaragaje ibyishimo atewe no kuba afite umwuzukuru, ashyira hanze ku nshuro ya mbere ifoto ari kumwe nawe amuteruye.

Umukuru w’igihugu yari aherutse gutangaza ko iyo yabonye umwanya ajya anyaruka akajya kumusura kandi ngo  ni umwana w’umukobwa uri gukura neza.

Yabwiye umunyamakuru wa RBA ko kugira umwuzukuru byamwongereye izindi nshingano za kibyeyi kuko yari asanzwe ari Se w’abana ariko ubu yabaye na Sekuru w’abo bityo Perezida Kagame akavuga ko ari ukuzamurwa mu ntera, agahabwa izindi nshingano.

Yavuze ko ubwo azaba arangije inshingano Abanyarwanda bamushinze, azajya kwita ku buzukuru be.

Tanga Igitekerezo ukoresheje Facebook

SHARE