Search

Perezida Kagame yashimiye umufasha we Jeannette anifuriza ababyeyi bose umunsi mwiza wabo

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Kuri iki Cyumweru tariki 13 Gicurasi 2018, wari umunsi mpuzamahanga wahariwe ababyeyi. Perezida Kagame yafashe umwanya yifuriza ababyeyi bose bo mu Rwanda nabo ku Isi hose umunsi mwiza, byumwihariko ashimira cyane umufashawe Jeannette Kagame wamubyariye abana bane anamusabira imigisha ku Mana.

Perezida Kagame n’umufasha we Jeannette Kagame.

Buri cyumweru cya kabiri cy’ukwezi kwa Gicurasi, mu Rwanda no mu bindi bice by’Isi hizihizwa umunsi wahariwe ababyeyi b’abagore.

Ni umunsi udasanzwe kuko abantu benshi bafata umwanya bakizihiza ubutwari bwa ba nyina babareze, abafasha babo ndetse n’inshuti n’abavandimwe b’igitsinagore.

Perezida Kagame na we yafashe umwanya yongera kugaragaza urukundo afitiye umuryango we n’umufasha we Madamu Jeannette Kagame mu butumwa yanyujije kuri twitter.

Yagize ati “Umunsi mwiza ku ba mama bose b’u Rwanda, Afurika n’isi! By’umwihariko (umunsi mwiza) ku mubyeyi wo mu rugo rwacu, mu buzima bwacu akaba n’umubyeyi w’abana bacu bane – Jeannette – nzagushima iteka kandi Imana iguhe umugisha…!!”

Jeannette Kagame na we ntiyatinze kuko yahise amusubiza, na we akoresheje Twitter ati  “Ndanezerewe kubera mwe @PaulKagame [sic], Ivan, Ange, Ian na Brian kuko ari mwe mpamvu yo kubaho kwanjye.”

Umunsi w’ababyeyi b’abagore (Mother’s Day) ni umunsi wizihizwa mu rwego rwo guha icyubahiro buri mugore wabyariye umuryango, wizihizwa ku minsi itandukanye mu bice byo hirya no hino ku Isi ariko cyane cyane muri Gicurasi.

Uyu munsi wuzuzanya n’indi irimo uwo kwizihiza ababyeyi b’abagabo (Father’s Day), uwahariwe kwishimira abavandimwe (Siblings Day), n’uwiswe ‘Grandparents Day’ wizihizwaho abibarutse ababyeyi b’umuntu.

Ubutumwa Perezida Kagame yanyujije kuri twitter ku munsi w’ababyeyi baba mama.

Ubutumwa bwa Madamu Jeannette busubiza ubwa Perezida Kagame.

Perezida Kagame na Madamu bari muri sports izwi nka ‘car free day’.

 

 

Ivan Heritier

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.