Perezida Magufuri yakuyemo ingofero ahamagara Diamond arayimwambika, yahise ayongera mubihembo yahawe muri muzika(Amafoto)

Perezida wa Tanzania, Dr John Pombe Magufuli ,yahamagaye umuhanzi Diamond, akuramo ingofero yari yambaye arayimwambika.

Dr John Pombe Magufuli, yasoje manda ye yambere yo kuyobora Tanzania, kuri ubu ari kwiyamamariza kuyobora manda ya Kabiri, ku itike yahawe ni ishyaka riri kubutegetsi rya CCM.

Perezida Magufuli yakuyemo ingofero yari yambaye yambika Diamond

Magufuli ageze kure ibikorwa byo kwiyamamaza, aho agenda agaragariza abaturage bo mubice bitandukanye bya Tanzania ibyo azabokorera muri manda ya kabiri, nibyo yagezeho muri manda yambere yasoje.

Kuri uyu wa Mbere taliki ya 7 Nzeri 2020, ubwo Magufuli yari mubikorwa byo kwiyamamaza mu mujyi wa Mwanza, Diamond yari umwe mubahanzi bagombaga gususurutsa abitabiriye ibi birori.

Ubwo Diamond yari avuye kurubyiniro, Dr John Pombe Magufuli yasabye abamurinda guhamagara uwo muhanzi nuko Diamond nawe aza yiruka, nibwo Magufuli yamusabye gukuramo ingofero yari yambaye maze ahita amwambika ingore y’urugara yari yambaye.

Diamond bamuhamagara yaje akanyamuneza ari kose

Diamond abinyujije kumbuga nkoranymbaga ze yagaragaje ko yishimiye iyi mpano yahawe n’umukuru w’igihugu maze agira ati “Urakoze cyane Bwana Perezida Dr. John Pombe Magufuli .. iyi ingofero isobanuye byinshi kuri njye nurubyiruko rwose rufite inzozi zitandukanye mubuzima …. Urakoze kubuyobozi bwawe bwo gukunda igihugu budufasha kugera kuntego zacu”

Nyuma yo guhabwa iyi ngofero Diamond yagaragaje amashusho yafashe iyi ngofero ayishyira mukabati asanzwe ashyiramo ibihembo bitandukanye yagiye ahabwa muri muzika

Tanga Igitekerezo ukoresheje Facebook

SHARE