Perezida Museveni yagagaraje amafoto yatangaje benshi arigukora imyitozo, abamukirikira banga kubyemera bamusaba video

Perezida Yoweri Kaguta Museveni wa Uganda yashyize amafoto ye ku twitter ye agaragaza ko iyo abyutse mu gitondo abanza gukora imyitozo ngororamubiri, bamwe mu baturage bamubwira ko bategereje kubona videwo ari kuyikora koko.

Ni amafoto abiri ashyizeho ku gicamunsi cyo kuri uyu wa Kane, abwira abamukurikira ko nk’uko yabasezeranyije kare yifuje kubasangiza uko atangira umunsi.

Ati “Ntangira umunsi wanjye nkorera imyitozo ngororamubiri mu rugo.”

Perezida Yoweri Kaguta Museveni wa Uganda yashyize amafoto ye ku twitter ye agaragaza ko iyo abyutse mu gitondo abanza gukora imyitozo

Museveni uri gukoresha cyane Twitter muri iyi minsi, abamukurikira na bo ntibahwema kumusubiza igihe cyose agize icyo ashyiraho.

Bamwe bakibona aya mafoto bavuze ko bishimiye kuba yubahirije isezerano ry’ibyo yari yabizeje ko aza kubereka uko abyuka akora siporo.

Aba bakoresha Twitter cyane muri kiriya gihugu ariko ntibanyuzwe, bavuze ko bakeneye kureba Video kuko amafoto batayizeye.

Nk’uwiyita President Saleh kuri Twitter ati “Umunsi wawe uwutangira neza ariko dutegereje n’amashusho (video).”

Naho uwitwa Faisal Fabu ati “Wari wadusezeranyije amashusho nyakubahwa Perezida.”

Benshi mu bakomeje gutanga ibitekerezo kuri aya mafoto abiri ya Museveni ari gukora Pompage, bari kuvuga ko bifuza kubona video kuko ari yo yari yabasezeranyije mu gihe hari abandi bavuga ko bigaragaza ko uyu agikomeye.

Tanga Igitekerezo ukoresheje Facebook

SHARE