Perezida Paul Kagame yavuze igihe Guma mu rugo izoroshywa

Mu kiganiro n’abanyamakuru kuri uyu wa 27 Mata 2020 Nyakubahwa Perezida wa Repubulika y’Urwanda Paul Kagame yasubije bimwe mu bibazo by’ugarije Urwanda ku bijyanye na Covid-19.

Ni ikiganiro cyabaye hifashishijwe ikoranabuhanga aho Nyakubahwa Paul Kagame yasubije ibibazo birebana n’ubuzima bw’Igihugu anagaruka kuri Gahunda ya Guma mu rugo yafashwe mu rwego rwo guhangana na Civid-19.

Yagize icyo avuga ku gihe gahunda yo kuguma mu rugo yazatangira koroshywa, aho yavuze ko inama y’abaminisitiri izaterana mbere yuko icyemezo gifatwa.

Yagize ati, “Turi ku munsi wa 41wa Guma mu rugo… Kuvanaho iyi gahunda bizaterwa nuko bizaba bimeze ndetse n’inama za Minisiteri n’abafatanyabikorwa”

Abajijwe ku bijyanye no gufasha ibikorwa bimwe kwiyubaka nyuma ya Coronavirus, Perezida Kagame yavuze ko igihugu gikomeje gukusanya ubushobozi. Yavuze ko ubu igihugu kitaratangira gufasha ibyo bikorwa ariko hari gutegurwa uko bizafashwa.

Ku bijyanye n’igihe cyashyizweho cyo kubahiriza ingamba zo kurwanya Coronavirus, Perezida Kagame yavuze ko u Rwanda rwafatiye amasomo ku bihugu byibasiwe na Coronavirus mbere, rugenda rufata ingamba zitandukanye kugeza ubwo ibikorwa hafi ya byose bifunzwe mu gihugu.

” Hazabaho ibyitwa ‘phased freedoms’: Hazafungurwa ibikorwa bimwe na bimwe hagendewe ku nama z’abahanga babishinzwe ndetse no ku mateka y’ibindi bihugu byahanganye nicyi cyorezo ariko habanje kurebwako gufungura ibyo bikorwa bitazadusubiza inyuma!”

Yakomeje avuga ko hazafatwa ingamba kugira ngo hirindwe gusubira inyuma kandi ibikorwa byubucuruzi bisubire uko byari bisanzwe.

Tanga Igitekerezo ukoresheje Facebook

SHARE