Perezida wa Amerika Donald Trump yasezeye asiga ahaye imbabazi imfungwa 73 harimo n’umurapeli Lil Wayne

Perezida wa Amerika Donald Trump yavuze ijambo rye ryo gusezera mbere yo kuva ku butegetsi, aho yagize at: “Twakoze ibyatuzanye -n’ibindi byinshi.”

Mu mashusho yashyizwe kuri YouTube, yavuze ko yarwanye “ingamba zikaze, intambara zikomeye kurusha izindi… kuko ari byo mwantoreye gukora”.

Trump n’ubu ntaremera neza ibyavuye mu matora yo mu kwezi kwa 11, aho yatsinzwe n’umudemokarate Joe Biden.

Perezida wa Amerika Donald Trump yavuze ijambo rye ryo gusezera

Uyu munsi saa sita z’amanywa i Washington (saa moya z’ijoro mu Burundi no mu Rwanda) Biden ararahirira kuba perezida wa Amerika.

Mu ijoro ryo kuwa kabiri muri Amerika, Trump yahaye imbabazi abantu 73 mu masaha ya nyuma ari ku butegetsi, barimo abaraperi Lil Wayne na Kodak Black hamwe n’uwahoze ari ‘mayor’ wa Detroit Kwame Kilpatrick.

Byari byitezweko ababarira abantu bagera muri mirongo mu masaha ye ya nyuma nka perezida.

Buri bucye arahira, Biden yayoboye umuhango wo kuzirikana no guha icyubahiro Abanyamerika bagera ku 400,000 bamaze kwicwa na Covid-19.

Biden yayoboye umuhango wo kuzirikana no guha icyubahiro Abanyamerika bagera ku 400,000 bamaze kwicwa na Covid-19.

Tanga Igitekerezo ukoresheje Facebook

SHARE