Perezida wa Madagascar yavuze ko umuti bakoze uvura Coronavirus ngo iyo uba warakozwe n’igihugu cy’iburayi ntawe uba akiwushidikanyaho

Perezida Andry Rajoelina wa Madagascar avuga ko umuti w’iki gihugu kivuga ko uvura coronavirus iyo uba waravumbuwe n’igihugu cy’Iburayi utaba ushidikanywaho nk’uko bimeze ubu.

Bwana Rajoelina yabwiye France24 ati: “Iyo itaba ari Madagascar, ikaba ari igihugu cy’Iburayi cyavumbuye uyu muti, hari kuba kuwushidikanyaho cyane gutya? Siko mbitekereza”.

Ishami rya ONU/UN rishinzwe ubuzima ku isi, WHO, ryaburiye kenshi ko umuti wa Covid-Oranics – leta ya Madagascar ivuga ko uvura Covid-19 – utigeze upimwa ku rwego mu buhanga bwo kuvura.

Perezida Andry Rajoelina wa Madagascar avuga ko umuti w’iki gihugu kivuga ko uvura coronavirus iyo uba waravumbuwe n’igihugu cy’Iburayi utaba ushidikanywaho nk’uko bimeze ubu.

Uyu muti ukorwa mu giti kitwa Artemisia – gisanzwe kifashishwa mu kuvura malaria – kivangwa n’ibindi byatsi byo muri iki gihugu.

Bwana Rajoelina yagize ati: “Abahanga muri siyansi ba Africa ntibakwiye gusuzugurwa.

“Ndatekereza ko ikibazo ari uko [uwo muti] uva muri Africa bityo ntibakwemera…ko igihugu nka Madagascar kizana umuti wo gukiza isi”.

Rajoelina avuga ko uyu muti ukiza umuntu wanduye Covid-19 mu minsi 10.

Ibihugu bya Equatorial Guinea, Guinea-Bissau, Niger na Tanzania byamaze gusaba no kohererezwa kuri uwo muti, leta ya Madagascar yatangaje mu kwezi gushize.

Asubiza ku bivugwa na OMS, Bwana Rajoelina yagize ati: “Nta gihugu cyangwa umuryango bizaduhagarika”.

Avuga ko ibyemeza ko umuti wabo uvura ari “abarwayi bacu uri gukiza”.

Muri Madagascar hamaze gutangazwa abantu 186 banduye coronavirus na 105 bamaze kuyikira, nta muntu irica.

Rajoelina yavuze ko “abakize iyi ndwara bakijijwe gusa no guhabwa uyu muti wa Covid-Organics”.

Ishami rya ONU/UN rishinzwe ubuzima ku isi, WHO, ryaburiye kenshi ko umuti wa Covid-Oranics – leta ya Madagascar ivuga ko uvura Covid-19 – utigeze upimwa ku rwego mu buhanga bwo kuvura.

Mu cyumweru gishize, OMS yavuze ko Abanyafurika bakwiye kubona imiti yabanje guca mu mageragezwa nyayo, kabone niyo yaba ari imiti gakondo.

Rajoelina avuga ko uyu muti ari “umuti gakondo ukozwe mu buryo bugezweho” yongeraho ko Madagascar itari gukora igerageza ry’ubuhanga ahubwo iri ‘gukurikirana uko uwo muti uvura’ bigendanye n’amabwiriza ya OMS/WHO.

Tanga Igitekerezo ukoresheje Facebook

SHARE