Perezida wa Repubulika y’u Rwanda, Paul Kagame yifuza ko yazasimburwa n’umugore

Perezida wa Repubulika y’u Rwanda, Paul Kagame yifuza ko yazasimburwa n’umugore ku mwanya w’Ubuyobozi.

Ibi yabitangaje kuri uyu wa kane ubwo yatangizaga Inama y’Igihugu y’Umushyikirano iri kuba ku nshuro ya 17, aho Abanyarwanda n’inshuti zarwo abasaga 2,000 bateraniye muri Kigali Convention Centre.

Perezida wa Repubulika y’u Rwanda, Paul Kagame mu nama y’umushyikirano irikuba ku nshuro ya 17

Perezida Kagame yashimye aho igihugu kigeze mu guha umwanya abagore kuko bamaze kugaragaza ko bashoboye.

U Rwanda ruri mu bihugu 10 bya mbere ku isi biha umugore ijambo, rukaba ruvuye ku mwanya wa gatandatu nkuko raporo y’umwaka ushize yabigaragaje.

Perezida Kagame ati, “Ubundi dukwiye kuba turi muri batanu ba mbere ariko mu ba mbere icumi nabyo turabyemera, haracyari akazi tugomba gukora, ni byiza kubitwibusa”….muri byose mu be muhari, njya nifuza rimwe ko uyu mwanya mwampaye ubukurikira wazatwarwa n’umugore”.

Ibi byakurikiwe n’amashyi menshi y’abari muri iyi nama yatumiwemo abantu barenga 2,000 biganjemo abategetsi kuva ku nzego z’ibanze.

Mu gukomeza yagize ati: “Abagabo bari hano niba ndi bubakire simbizi… ariko nabo bashobora kuba aribyo bashaka”.

U Rwanda rufite umuhigo ku isi wo kugira abagore benshi mu nteko (61%), mu bagize guverinoma ubu abagore bafite imyanya 14 kuri 27 (bingana na 52%).

Raporo ya yitwa ’Global gender gap’ ikorwa na World Economic Forum yasohotse vuba aha, ishyira u Rwanda ku mwanya wa cyenda (9) mu bihugu 153 byo ku isi.

Iceland niyo ya mbere kuri uru rutonde mu gihe Yemen iza ku mwanya wa nyuma, mu karere; Burundi(32), Uganda(65), Tanzania(68), Kenya(109), DR Congo(149).

Tanga Igitekerezo ukoresheje Facebook

SHARE