Perezida w’u Burundi Evariste Ndayishimiye ku nshuro ya kabiri asohotse igihugu, yageze muri Guinee ajya murusengero arapfukama ahimbaza Imana(Amafoto)

Perezida w’u Burundi, Evariste Ndayishimiye umaze iminsi mu ruzinduko muri Guinée Équatoriale, yasuye ibikorwa binyuranye birimo n’urusengero yagezemo agaca bugufi agahimbaza Imana.

Perezida Ndayishimiye wagiye muri Guinée Équatoriale ku wa Mbere w’Iki cyumweru, yari amaze iminsi itanu muri kiriya gihugu aho yanabonanye n’umukuru wa kiriya gihugu Obiang Nguema Mbasogo bakagirana ibiganiro byo gutsimbataza umubano.

Perezida w’u Burundi Evariste Ndayishimiye ku nshuro ya kabiri asohotse igihugu, yageze muri Guinee ajya murusengero arapfukama ahimbaza Imana

Uyu mukuru w’Igihugu wari ugize urugendo rwa kabiri hanze y’igihugu cye, yasuye ibikorwa binyuranye muri kiriya gihugu birimo inganda nka AFRIONE rukora Telephone na za mudasobwa n’ibindi bikorwa remezo biri muri kiriya gihugu.

Ibi bihugu byombi kandi byashyize umukono ku masezerano anyuranye arimo ay’imikoranire mu by’ubucuruzi, yasinywe na ba Minisitiri b’Ububanyi n’Amahanga b’ibihugu byombi.

Uyu mukuru w’Igihugu cy’u Burundi wasoje uruzinduko rwe kuri uyu wa Gatanu, we na Madamu banasuye urusengero rwa Basilique Cathédrale Immaculée ruherereye i Mongomo, banakirwa na Musenyeri warwo Calisto Bakale.

Uyu musenyeri yavuze ko kuva icyorezo cya COVID-19 cyakwaduka ari ubwa mbere yakiriye umukuru w’Igihugu, aboneraho gusengera igihugu cy’uriya muperezida cy’u Burundi ndetse na Guinée Équatoriale.

Tanga Igitekerezo ukoresheje Facebook

SHARE