Search

PERU: Imodoka yo mubwoko bwa bisi( Bus) yabirindutse kumusozi abagera kuri 51 bahasiga ubuzima

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Mu gihugu cya Peru habaye impanuka ikanganye yahitanye abantu bagera kuri 51 ubwo i modoka ya bus yahanukaga kumusozi ikagera hasi  yamaze kwikunjakunja no guta ishusho y’imodoka,kuba iyi modoka yaturutse ku musozi hejuru igatembagara imanuka hepfo,byatumye ubuzima bw’abagenzi bari bayirimo buhasigara kuko kuvamo byari ingorabahizi.

Abatabazi bo muri Peru bamaze kuzamura imibiri y’abantu 51 baguye mu mpanuka ya bus yabaye kuri uyu wa Gatatu, iyi mpanuka ngo niyo ya mbere iguyemo abantu benshi kuva muri 2013. Papa Francis witegura gusura Peru  mu minsi iri imbere yasabye Imana kwakira roho za ba nyakwigendera.

Impamvu nyamukuru itangazwa ko yaba yabaye gitera y’iyi mpanuka,ni uko iyi modoka yo mubwoko bwa bus yabanje kugongana n’imashini ikora umuhanda ikabura kontorole igahita ita umuhanda yerekeza mu manga y’umusozi.

Iyi mpanuka yabereye mu muhanda bita ko ari uwa shitani( Devil’s Curve) kubera ahantu hahanamye uherereye.

Abatabazi muri Police bashinzwe kuzimya umuriro bamaze amasaha 24 bagerageza gukura imirambo muri iriya bus yari yatangiye gufatwa n’umuriro.

Iriya mpanuka yabereye mu Majyaruguru y’Umurwa mukuru Lima.

Mu bantu batandatu barokotse iriya mpanuka harimo umugabo umwe wabwiye abaganga ko yarokowe n’uko yasimbutse mu idirishya amaze kubona ko impanuka ibaye.

ABC News ivuga ko uyu mugabo afite ibikomere bike ariko akaba yaravunitse akaboko.

Ibitangazamakuru byo muri Peru bivuga ko impanuka nk’izi zikunda kuba mu duce twa Peru dufite imisozi ihanamye kandi zigaterwa n’uko imodoka zitwara abagenzi ziba zipakiye cyane abaturage bakennye baba bava mu cyaro bagana mu murwa mukuri Lima gushakayo ubuzima.

Kuri uyu wa Gatatu Perezida wa Peru witwa Pedro Pablo Kuczynski yihanganishihe ababuze ababo kandi asaba Minisitiri w’ibikorwa remezo gutangira gushyiraho umushinga wo kwagura imihanda yo muri  duce bigaragara ko duteje akaga.

Perezida Pablo kandi yaciye iteka ry’uko uriya muhanda wiswe uwa Shitani utazongera gukoreshwa.

Ubutabazi bukomeje gukorwa hashakishwa imibiri itaraboneka

Uyu muhanda ukikijwe n’imanga 52, ukaba ureshya na kilometer 22 kandi uhoramo ibihu, ibi bikaba intandaro y’impanuka za hato na hato.

Mu itangazo ryavuye i Vatican, Papa Francis yihanganishije imiryango y’ababuze ababo kandi asaba Imana kwakira ba nyakwigendera mu bwami bwayo.

Radio Vatican ivuga ko Papa Francis azasura Peru taliki  18, Mutarama uyu mwaka nyuma yo gusura Chile.

KWIZERA Juvenal-Ibyamamare.com

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.