‘Player’ indirimbo nshya ya Roy Paul ihanura abakundana kudashwana bya hato na hato

Umuhanzi Roy Paul uri mubatanga icyizere muri Muzika Nyarwanda yashyize hanze amashusho y’indirimbo nshya yise ‘Player’ n’indirimbo irimo inkuru ivuga ku bantu bakundana ariko bahora bashwana.

Player  yagiye hanze mu buryo bw’amashusho yari imaze iminsi itegerejwe n’abakunzi b’uyu muhanzi. Amashusho yayo yakorewe mu Rwanda na Sammy na Sinta  naho amajwi akorwa na Producer Mantra Made ukurikiana bya hafi ibikorwa by’uyu muhanzi.

Irimo ubutumwa bukangurira abakundana kwizerana by’ukuri ndetse bagakundana bizira intonganya, ihanura benshi ku rugendo rw’urukundo rwiganjemo amakimbirane muri iyi minsi.

Iyi ndirimbo ifite amashusho meza cyane,igaragaramo umukobwa w’ikizungerezi uba usabwa n’umukunzi we kutababazwa n’ubusa aho anamuhimbirautugambo two kumuguyaguya.

Roy Paul uri gushyira imbaraga mu muziki

Roy Paul yabwiye IBYAMAMARE ko iyi ndirimbo nk’izindi zose ze yaje ije gushimangira ko ari umuhanzi uzi icyo ashaka mu muziki agira n’icyo asezeranya abakunzi bawo.

‘Iyi n’indirmbo twakoze twitonze kugira ngo inazamure urwego rwacu,Gahunda zikuriraho n’ugukomeza guha abanyarwanda umuziki mwiza hatagize igihinduka muri Mata ndasohoramo izindi nkeshatu,abakunzi b’umuziki bumve ko duhari’

Roy Paul yakoze izindi zirimo ‘Bad Gal’, ‘Ndare, na ‘Player ’ yakoreye amashusho n’izindi. Abarizwa mu nzu ifasha abahanzi ya Volt Music.

Player ya Roy Paul

 

Tanga Igitekerezo ukoresheje Facebook

SHARE