Polisi yatabaye abagore n’abagabo 15 bari bafunzwe baboshywe n’umuhanuzi wari warabijeje ibitangaza by’Imana

Mu mujyi wa Lagos, Ijegun muri Nigeria, polisi yatabaye abagera kuri 15 bari bafungiwe mu nzu itemewe, aho bakorerwaga iyicarubozo n’uwiyita umuhanuzi.

Abari bafunzwe ni abagabo n’abagore bari mu kigero cy’imyaka hagati ya 19 na 50 harimo n’abari bahamaze imyaka 5.

Aba bose ngo bagiye bazanwa n’abo mu miryango yabo kugira ngo bavurwe kuko bizeraga ko uyu muvugabutumwa ashobora kuvura indwara zo mu mutwe, kubatwa n’ibiyobyabwenge ndetse n’izindi.

Kugeza ubu uyu wiyitaga umuhanuzi akavura abantu yamaze gutabwa muri yombi

Umugabo w’imyaka 58 yabwiye polisi ko yatangiye ibi bikorwa byo gufungira abantu hamwe akabambika iminyururu, akabaturiraho amasengesho,… kuva mu 1986.

Yakomeje avuga ko impamvu nyamukuru yo kubambika iminyururu kwari ukugira ngo badatoroka.

Umuvugizi wa polisi, Bala Elkana yavuze ko ubu inzego zitandukanye zahurije hamwe imbaraga kugira ngo zishakire ubuvuzi bw’ibanze abari barafunnzwe n’uyu wiyitaga umuhanuzi.

Tanga Igitekerezo ukoresheje Facebook

SHARE