Producer Laser Beat washyize hanze urutonde rw’indirimbo nziza yakoze muri 2020, aracyacyeneye abandi bahanzi yitaho muri Label ye basangamo Rich One na Big Zed.

Mugihe byari bimenyerewe ko abatunganya muzika (producers) bo mu Rwanda biyemera bikabaviramo kundindiza ibihangano by’abahanzi baba babishyuye , ahanini biba byatewe n’uko baba bikorana. Producer Laser Beat urambye muri aka kazi, akimara gushinga inzu ifasha abahanzi (Label) yiyemeje gukorana n’ikipe nini ngo babashe gutanga serivisi vuba kandi neza.

                              Producer Laser Beat uhagarariye Label ya The Beam Beat.

Hirwa Patrick uzwi nka Laser Beat yamenyekanye cyane mu ndirimbo nyinshi yakoranye n’abantu bakomeye nka Rafiki , Amag The Black , Maria Yohana , Green P , Tuff Gang , Man Martin , Allyn Sano ndetse n’abandi benshi bagiye bamunyura imbere mukazi kamuzika ye kandi bakanyurwa n’imikorere y’uyu mu producer kuri ubu ufite Studio ye izwi nka The Beam Beat Records iherereye I Nyamirambo.

Nyuma y’uko ashyize hanze urutonde rw’indirimbo 10 zakunzwe yakoze mu mwaka tuvuyemo wa 2020, Laser Beat akaba yizeza abanyarwanda kwitega ibihangano bishya ndetse n’impano nshya acyeneye doreko ubu yanamaze gusinyisha abasore 2 barimo Rich One uba muri Amerika na Big Zed banashyiriye hanze Extended Play iriho indirimbo 4.

Laser Beat ati: “uyumwaka bitege ibihangano byumwimerere kandi birenze ibyo nakoze umwaka washize wa 2020 , dore ko mfite nindirimbo ihuriyemo abahanzi 9 bakunzwe cyane New Generation igiye gusohokana namashusho yayo”

Kuri ubu The Beam Beat Entertainment iri gukora nk’ikipe(team) nini irimo abashinzwe no gutunganya amajwi , Abatunganya amashusho n’amafoto bizwi nka Graphics Design , ibyo byose bikaba bikorwa n’ikipe ngari irimo n’abashinzwe kwamamaza ibihangano by’abahanzi doreko ubu bari kwakira Impano nshya nyinshi.

Agasoza agira ati “turi gufasha abahanzi bakizamuka kuzamura impano zabo aho bari hirya no hino ku isi mu Rwanda ndetse no mumahanga.Nkaba nemeza ko ubu The Beam Beat Entertainment turimo gukorana neza nabahanzi  kuba twakwiita kubihangano byabo neza kandi bakabibonera no kugihe. Quality (Umwimerere) murabizi ko ari high (hejuru) Quality nkibisanzwe.”

Uru rero n’urutonde rw’indirimbo 10 Laser Beat yakoze muri 2020 zikanamushimisha cyane ( ‘Zana’ ya Deejay Lenzo na Bulldog, ‘Mu murwa’ ya Rich One na Ish kevin, ‘Iribagiza’ ya Doddy Uwihirwe, ‘Agapfukamunwa’ ya Deejay Lenzo na ‘People’ ya Meliane ft Sintex ‘Indebakure’ ya King Ruganzu na Sintex, ‘Operation’ ya Adolo na Bull Dogg, ‘Sindambirwa’ ya Santana Milado‘Sinzajya Mu manza’ ya Samilo na ‘Niko Nakunze’ ya The Boston.)

                           Uru ni urutonde rw’indirimbo 10 nziza zakozwe na Producer Laser Beat.
                           The Beam Beat yanasohoye Uruziga ya Big Zed igizwe n’indirimbo 4.

INDIRIMBO BICWA Y’UMURAPERI BIG ZED

Mumurwa nayo n’indirimbo ya Rich One afatanyije na Ish Kevin ukunzwe n’urubyiruko cyane , yakozwe na Laser Beat.

Tanga Igitekerezo ukoresheje Facebook

SHARE