Search

Rafiki yemeza ko amashyari n’inzika biba mu bahanzi aribyo byatumye injyana ye ‘Coga style’ izima

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Rafiki n’umwe mu bahanzi bagacishijeho muri muzika Nyarwanda mu myaka yashize, yashimangiye ubuhanga bwe ubwo yatangizaga injyana yise ‘Coga Style’ yaje no gukundwa na benshi ariko ntibyaramba irazima. Kuri ubu uyu muhanzi atangaza ko amashyari y’abahanzi bagenzi be aribyo byatumye iyi njyana ye kimwe n’izindi zihariye zidatera imbere.

Amashyari y’abahanzi ngo niyo yatumye injyana ya Coga Style izima.

Ahagana mu mwaka wa 2005 kuzamura Rafiki yari mu bayoboye muzika Nyarwanda, indirimbo ze ‘Igipende’, ‘Igikosi’ n’izindi zatumye amenyekana cyane mu njyana ye yise ‘Coga style’. Ariko uyu munsi iyi njyana irasa niyibagiranye mu mitwe y’abakunzi ba muzika Nyarwanda.

Nubwo iyi njyana itakiri muzikunzwe mu Rwanda, Rafiki avuga ko aticaye ubusa ubu ngo ari gutegura ‘Mix Tape’ yise “Irona” azasohora vuba izaba igizwe n’indirimbo eshanu. Yamaze gushyira hanze indirimbo ebyiri mu zizaba zigize iyi mix tape arizo ‘Irona’ ari nayo yayitiriye na ‘ikigunda’, izindi eshatu zikazasohoka mu  minsi ya vuba.

Mu myaka amaze mu muziki, Rafiki avuga ko nubwo injyana ye itakomeje gukura nk’uko yabyifuzaga ntibyamubuza gushimira cyane abantu nka Cassanova, Jay P, Ziggy 55, Tijara Kabendera, Sebera Eric n’abandi bagize uruhare mu gutuma iyi njyana imenyekana.

Uyu muhanzi yemeza ko amashyari n’inzika by’abahanzi bagenzi be ariyo ntandaro yo gutuma iyi Coga Style isubira inyuma. Ati “ariko kubera amashyari no kugirana inzika biri mu bahanzi ntabwo bikunda, gusa nzakomeza kurwana ku buryo ikundwa na benshi.”

Ubu ngo iyo yumvise hari umuhanzi uririmba injyana ya ‘Coga Style’ arishima kuko yifuza ko u Rwanda rugira injyana zihariye n’abanyamahanga bakazimenya.

Rafiki avuga ko hari abahanzi bakora injyana isa na Coga Style nabyo bikamushimisha, ariko ngo igikwiye ni uko bakora Coga Style nyayo kugira ngo iyi njyana ikomeze izamuke nk’izindi zihariye. Avuga kandi ko Kugira ngo iyi njyana ye itazazima burundu hari abahanzi bakiri bato yatangiye kuyitoza.

Iyo uvuze Rafiki muri muzika Nyarwanda benshi bumva Coga Style.

 

 

Ivan Heritier

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.