“Rap de Luxo” indirimbo yahuriyemo Abanyarwanda baba muri Mozambique.Yirebe hano

Rap de luxo n’indirimbo yagiye hanze ihuriyemo abahanzi batandukanye b’Abanyarwanda batuye mu Gihugu cya Mozambique, yatunganyijwe na Producer Barrick amashusho afatwirwa Mu Gihugu cya Mozambique.

 

Abahanzi barimo Boi Wax, Saka Baka Bluez, Kivu da Kico na Bulla Music nibo bagaragaye muri iyi ndirimbo iri mu njyana ya Rap, ntibatinya kwikomanga ku gatuza ko ari abahanga muri iyi njyana, yewe banahamya ko bakora Rap y’igiciro ko umwanya ugeze abahindanya Rap ngo begere ku ruhande maze babayoboze inkoni y’icyuma.

Aba basore b’abahanga muri Hip Hop bavuga ko bashaka kuba inkingi za mwamba muri Rap Nyarwanda ikava ku rwego rwo kumvwa n’Abanyarwanda gusa n’imahanga ikahagera dore ko baririmbye mu ndimi zirimo icyongereza, igipolitigari, igiswahili batibagiwe n’ikinyarwanda cyo ku ivuko.

Umuraperi Boi Wax

IBYAMAMARE.COM twaganiriye n’aba basore baba mu majyepfo y’Afurika batubwira uko igitecyerezo cyaje naho iyi ndirimbo bifuza ko igera. Boi Wax ati :

” N’indirimbo twatekerejeho mu rwego rwo kuzamura Rap Nyarwanda ngo yumvikane mu mahanga, amajwi yakozwe na Barrick Music maze amashusho yuyafatira inaha muri Mozambique, intego nyamukuru n’ukubaka muzika Nyarwanda ikagera no hanze”

Uyu Boi Wax uheruka gushyira hanze indirimbo ye ku giti cye yitwa “Sorry” akomeza avuga ko ubufatanye nk’ubu bukenewe ku bahanzi b’Abanyarwanda bakorera muzika hanze.

“Urabona twe twahuriye muri iyi ndirimbo hari urwego izazamura kuri muzika yacu, televiziyo za hano Mozambique zatangiye kudukina, n’abandi bahanzi aho batuye bashyire hamwe maze ishusho ya muzika Nyarwanda izamuke no hanze”

 

Umuraperi Saka Baka Bluez umaze imyaka isaga 6 muri Mozambique wahoze muri Mafia Land ya P FLA na Poeta hambera nawe avuga ko guhuza imbaraga ari inkingi ikomeye.

 

“Guhuza imbaraga ni ikintu gikomeye cyane, urabona nka Rap de Luxo n’indirimbo twashyize hamwe twizera ko bitewe n’uko ikoze izatanga umusaruro nyawo ku mpande zose, iyo mwashyize hamwe muhana n’ibitecyerezk ku ngingo zabateza imbere ”

Saka Baka Bluez na ,urumuna we

Ku bijyanye no kumenyekanisha iyi ndirimbo aba basore bavuga ko muri Mozambique n’ibihugu baturanye bitagoranye ahubwo mu Rwanda ariho bitoroshye.

 

“Promosiyo hano tuba n’ibihugu duturanye navuga ko bitatugora nko mu Rwanda Iwacu ariyo mpamvu dusaba Itangazamakuru kudufasha kuko turi gukora ibikorwa byiza biri International, Rap de Luxo Televiziyo zo mu Rwanda na Radiyo turabasaba kuyisakaza ku bakunzi b’umuziki “

 

Mu kiganiro naba bahanzi basoje bashimira abakunzi b’umuziki Nyarwanda urukundo bagenda bereka Abahanzi babo banashimira by’Umwihariko Diaspora Nyarwanda ya Mozambuique ikomeje kubatera imbaraga

 

Tanga Igitekerezo ukoresheje Facebook

SHARE