Rayon Sports Day: Berekanye umwambaro bazaserukana muri uyu mwaka w’imikino, bunamira Katauti birangira batsinda Gasogi (Amafoto)

Kumugoroba wo kuri uyu wa Gatanu tariki ya 15 Ugushyingo nibwo ikipe ya Rayon Sports yakoze ibirori byiswe ‘Rayon Sports Day’ byo kumurika abakinnyi izakoresha muri uyu mwaka w’imikino, umwambaro mushya bazakinisha ndetse na nimero nshya yahawe buri mu kinnyi.

Ubuyobozi bw’iyi kipe butangaza ko ibi birori bizajya biba ngaruka mwaka, kuri iyi nshuro yabyo ya mbere byasojwe n’umukino wa gicuti Rayon Sports yatsinzemo Gasogi United ya KNC ibitego 3-1.

Ibi birori byari byitabiriwe na benshi mu bakunzi ba Rayon Sports bari buzuye stade ya Kigali, abayobozi, abaterankunga batadukanye ndetse n’abakinnyi bayo 21 kuko abandi 4 bari mu ikipe y’Igihugu.

Buri mukinnyi yahamagarwaga kuri ruhangwamboni (stage) ubundi agahabwa umwambaro mushya iyi kipe izambara muri shampiyona y’uyu mwaka hariho na nimero nshya yahawe.

Muri ibi birori hanamuritswe stade nshya yiswe ‘Gikundiro Stadium’ iyi kipe iri mu mushinga wo gutangira kwubaka babifashijwemo n’abaterankunga.

Mbere gato yuko umukino wa gicuti na Gasogi utangira ari nawo wagombaga gusoza ibi birori, amakipe yombi yinjiye mu kibuga maze bafata umunota umwe wo kwibuka Ndikumana Hamad Katauti wanyuze muri Rayon Sports nk’umukinnyi nyuma akaza kwitaba Imana ari umutoza wayo wungirije ndetse na Mutuyimana Evariste wari umunyezamu wayo, bombi bitabye Imana mu 2017.

Muri uyu mukino ikipe ya Gasogi United niyo yafunguye amazamu ku munota wa 10 ku gitego cyari gitsinzwe na Nyakagezi kuburangare bwa myugariro Iradukunda Eric Radu.

Ku munota wa 40 w’umukino Bizimana Yannick yaje gutsindiria Rayon igitego cyo kwishyura, ku munota wa 44 Dagnogo atsinda icya kabiri naho icya gatatu kiboneka ku munota wa 51 giturutse ku ikosa ryari ritewe na Rugwiro Herve umukino urangira ari 3-1.

Mbere yo gutangira umukino bafashe umunota wo kwibuka Katauti na Evariste.

URUTONDE RW’ABAKINNYI NA NIMERO BAHAWE:

1.Rugwiro Herve 4
2.Mazimpaka Andre (GK,30)
3.Nsengiyumva Emmanuel Ganza (GK,29)
4.Mugisha Gilbert (12)
5.Iradukunda Eric Radou (14)
6.Bizimana Yannick (23)

7.Sekamana Maxime (24)
8.Tumusime Altijan (28)
9.Runanira Hamza (6)
10. Ciza Hussein (10)
11. Nyandwi Saddam (16)
12.Ndizeye Samuel (25)
13.Omar Sidibé (9)
14.Mike Niyomwungeri (26)
15.Olokwei Commodore (11)
16.Nizeyimana Mirafa (8)
17.Habimana Hussein Eto’o (20)
18.Amran Nshimiyimana (5)
19.Iragire Saidi(2)
20.Irambona Eric Gisa (17)
21.Sarpong Michael (19)

Munyakazi Sadate Perezida wa Rayon Sports asubira kwicara nyuma guha Herve umwambaro mushya.

 

Tanga Igitekerezo ukoresheje Facebook

SHARE