Search

Rayon Sports yabonye umutoza wungirije ugiye gusimbura Ndikumana Katauti Hamad

IBM Radio Listen Live

KANDA HANO UREBE VIDEO

Jeannot Witakenge niwe wemejwe nk’umutoza ugiye kwungiriza Karekezi Olivier mu ikipe ya Rayon Sports, nyuma y’ukwezi n’igice  Ndikumana Katauti Hamad wari kuri uyu mwanya yitabye Imana.

Jeannot Witakenge wemejwe nk’umutoza wungirije muri Rayon Sports yari amaze iminsi akurikirana imikino yayo.

Jeannot Witakenge umunye-Congo wigeze no gukina muri Rayon Sports, niwe ugiye kuyibera umutoza wungirije  nyuma yo kwirukanwa mu ikipe ya O.C Muungano FC yo muri DR Congo yari abereye umutoza mukuru.

Umutoza mukuru wa Rayon Sports Karekezi Olivier ubwo yandikiraga ubuyobozi bw’iyikipe abusaba ko yahabwa umwungiriza, yabanje gusaba ko Lomami Marcel usanzwe ashinzwe kongerera ingufu abakinnyi (préparateur physique) muri iy’ikipe ariwe wamwungiriza gusa nyuma azakwisubira asaba ko ako kazi kahabwa undi.

Jeannot Witakenge wavutse mu 1980 yamenyakanye cyane hano mu Rwanda nk’umukinnyi wo hagati, aho yabanje gukina mu ikipe ya Rayon Sports bizakumuhesha umwanya mu ikipe y’igihugu Amavubi.

Uyu mugabo yaje gutoroka ubwo Amavubi yajyaga gukina mu Bubiligi mu 1999 ariko ntibyamuhira arongera aragaruka asubira muri Rayon Sports ayikinira umwaka umwe muri 2002 ahita yerekeza muri Saint-Éloi Lupopo y’i Lubumbashi iwabo muri Congo.

Yongeye kugaruka gukina mu Rwanda muri 2006 asinyira APR FC imyaka ibiri ari kumwe n’impanga Mbuyu Twite na Kambange Twite. Yaje guhagarika gukina umupira muri 2009 atangira gutoza amakipe y’iwabo i Bukavu.

Muri Nzeri umwaka ushize nibwo yirukanywe mu ikipe ya O.C Muungano FC y’i Bukavu  muri DR Congo yatozaga nk’umutoza mukuru, ubu akaba yemejwe nk’umutoza wungirije muri Rayon Sports.

Jeannot Witakenge n’umwe mu bakinnyi babanye-Congo bakanyujijeho mu Rwanda mu myaka yashize.

 

 

Ivan Heritier

Comments

comments




Leave a Reply

Your email address will not be published. Required fields are marked *