Search

Rayon Sports yahagurutse i Kigali yerekeza muri Nigeria

IBM Radio Listen Live

KANDA HANO UREBE VIDEO

Mu gitondo cyo kuri uyu wa Gatanu tariki 14 Mata nibwo ikipe ya Rayon Sports yahagurutse i Kanombe ku kibuga cy’indege yerekeje muri Nigeria gukina umukino ubanza na Rivers United.

Ikipe ya Rayon Sports ihagarariye u Rwanda mu irushanwa rihuza amakipe yatwaye ibikombe by’ibihugu Africa Total CAF Confederation Cup .

abasore b’ikipe ya Rayon Sports Moussa Camara, Kevin na Irambona ku kibuga cy’indege mbere yuko bahaguruka i Kigali

Iyi kipe iyobowe n’umutoza Masudi Djuma, ntabwo ihagurukanye ba myugariro Rwatubyaye Abdoul na Mutsinzi Ange nkuko byari byitezwe gusa bitunguranye myugariro Nzayisenga Jean d’Amour bakunze kwita Mayor na we akaba yaje gusigara i Kigali.

Nahimana Shassir umaze iminsi atagirirwa icyizere, yongeye gusigwa mu ikipe yerekeje muri Nigeria, gusa kuri ubu bikaba byatewe n’uko yari amaze iminsi afite ikibazo cy’uburwayi nkuko umutoza w’iyi kipe yaje kubitangaza.

Sibomana Abouba utari wagaragaye ku mukino wa Onze Createurs yongeye kugarurwa mu ikipe ya Rayon Sports mu gihe Rwigema Yves wari werekeje muri Mali kuri ubu yasigaye i Kigali.

Umukino ubanza hagati ya Rayon Sports na Rivers United uzabera muri Nigeria , tariki ya 16 Mata 2017 mu gihe umukino wo kwishyura uzabera i Kigali tariki ya 22 Mata 2017.

Abakinnyi berekeje muri Nigeria:

  1. Ndayishimiye Jean Luc Bakame
  2. Mutuyimana Evariste
  3. Mugabo Gabriel
  4. Sibomana Abouba
  5. Irambona Eric
  6. Manzi Thierry
  7. Munezero Fiston
  8. Mugisha Francois Master
  9. Niyonzima Olivier Sefu
  10. Mugeni Fabrice
  11. Kwizera Pierrot
  12. Muhire Kevin
  13. Nsengiyumva Mustapha
  14. Nova Bayama
  15. Nshuti Dominique Savio
  16. Manishimwe Djaber
  17. Tidiane Kone
  18. Moussa Camara

 

 

Comments

comments




Leave a Reply

Your email address will not be published. Required fields are marked *