Search

Rayon Sports yanganyije na LLB y’i Burundi 1-1 mu mukino ubanza wa CAF Champins League

IBM Radio Listen Live

KANDA HANO UREBE VIDEO

Kuri uyu wa Gatandatu nibwo habaye umukino ubanza wahuzaga ikipe ya Rayon Sports yo mu Rwanda na Lydia Ludic Sports 4 Africa y’i Burundi … mu mikino ya CAF Champions League, uyu mukino ukaba warangiye amakipe yombi anganya igitego 1-1.

Amakipe yombi yaserutse mu mabara yubururu numwe.

Uyu mukino wabereye kuri stade Amahoro i Remera, watangiye  ikipe ya Rayon Sports ariyo yihariye umupira mu ku wuhererekanya neza ariko ba rutahizamu bayo Ismaila Diarra na Shaban Hussein Tchabalala ntibagira iyo bakora imbere ya ba myugariro ba LLB  bari bahagaze neza.

Igice cya mbere cyaje kurangira amakipe yombi ntanimwe ishoboye kureba mw’izamu ryombi, igice cya kabiri cyatangiye Rayon isatira cyane inabona amahirwe yo gufungura amazamu ku munota wa 47 ariko umupira Mutsinzi Ange yahinduye imbere y’izamu Shaban Hussein Tchabalala ntiyashobora kurangirizamo ubu buryo bwari bwabazwe.

LLB y’umutoza Emmanuel Bankuwiha bita Mayele yatangiye gukina yugarira cyane, abakinnyi bayo badatanga umwanya na muto wo gusatiriramo ku ruhande rwa Rayon sports. Bayobowe na Kwizera Pierrot, Rayon sports yatangiye guhererekanya cyane ngo bageze umupira mu rubuga rw’amahina cyangwa bakorerweho amakosa bashake igitego cy’imipira y’imiterekano ariko ntibyagira icyo bibyara.

Nahimana Shassir wabanje ku ntebe y’abasimbura bitunguranye yasimbuye Yannick Mukunzi ku munota wa 60 Rayon sports yongera umubare w’abakinnyi bakina basatira mu kibuga bitandukanye n’uko batangiye bakina.

Ku munota wa 75 nibwo LLB yaje kubona igitego cyatsinzwe na Jamali Bazunza winjiye mu kibuga asimbuye biturutse ku mupira yahawe na Sefu Ndizeye wabanje gucenga ba myugariro ba Rayon Sports abagerana mu izamu.

Ku munota wa 83 ikipe ya Rayon Sports nayo yaje kubona igitego cyo kwishyura cyavuye ku ishoti rikomeye uyu Eric Irambona yateye rifata igiti cy’izamu usanga Shaban Hussein Tchabalala imbere y’izamu wenyine arangirizamo.

Mayele utoza LLB Yavuze ko yishimiye umusaruro wavuye mu mukino kuko afite ikizere cyo kwitwara neza mu mukino wo kwishyura. Ku rundi ruhande Karekezi Olivier nawe utoza Rayon Sports yavuze ko bazakosora aho babonye amakosa kandi afite icyizere cyo gukomeza mu cyiciro gikurikira.

Umukino wo kwishyura ukaba uteganyijwe nyuma y’ibyumweru bibiri, ukazabera i Burundi. Uyu mukino kandi wanitabiriwe n’abakobwa 20 bari mu mwiherero w’amarushanwa yo guhatanira uzegukana ikmba rya Nyampinga w’u Rwanda 2018.

Uyu mukino wayobowe n’abasifuzi bo muri Uganda.

Abakobwa bahatanira ikamba rya MISS Rwanda 2018 baje kureba uyu mukino.

Rwarutabura yashatse kujya guha abakinnyi amabwiriza iruhande rw’ikibuga kandi atari inshingano ze ahakurwa n’abi.

Abarundi baba mu Rwanda bari bagiye gushyigikira ikipe y’iwabo.

Abakinnyi ba banje mu kibuga ku ruhande rwa Rayon Sports.

Abakinnyi babanje mu kibuga ku ruhande rwa LLB.

 

 

Ivan Heritier

Comments

comments




Leave a Reply

Your email address will not be published. Required fields are marked *