Search

Rayon Sports yatangaje urutonde rw’abakinnyi 18 ijyana muri Tanzania batarimo Faustin na Rwatubyaye

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Mu gihe habura amasaha make ngo ikipe ya Rayon Sports yerekeze muri Tanzania mu mujyi wa Dar es Salaam aho izacakirana na Young Africans kuri uyu wa Gatatu, abakinnyi bakoze imyitozo ya nyuma ndetse hanatangazwa 18 bazifashishwa kuri uyu mukino.

Mbere gato yuko abakinnyi ba Rayon Sports batangira imyitozo.

Mu masaha y’igitondo cyo kuri uyu wa Mbere nibwo ikipe ya Rayon Sports yakoreye imyotozo yanyuma kuri stade Amahoro yitegura umukino uzayihuza na Young Africans mu irushanwa rya CAF Confederation Cup 2018.

Nyuma y’iyi myitozo yari yanitabiriwe n’abakunzi b’iyi kipe izwi nka Gikundiro, umutoza wayo Ivan Minaert mu kiganiro n’abanyamakuru, yahise ashyira ahagaragara urutonde rw’abakinnyi 18 ari buhagurukane i Kigali ku mugoroba wo kuri uyu wa Mbere tariki ya 14 Gicurasi 2018.

Uru rutonde rwatangajwe n’umutoza Ivan ntirugaragaraho Usengimana Faustin utagomba gukina uyu mukino bitewe nuko afite amakarita abiri y’umuhondo na Rwatubyaye Abdul utarabona icyangombwa cya CAF kuko ubwo babitangaga yari mu burwayi.

Mu bandi bakinnyi b’Imena ba Rayon Sports batazagaragara kuri uyu mukino harimo Niyonzima Olivier Sefu ufite ikibazo ku gitsi cy’iburyo na Nahimana Shassir wagiye iwabo mu gihugu cy’u Burundi akaba ataragaruka.

Umutoza wa Rayon Sports, Ivan Minaert mu kiganiro n’abanyamakuru nyuma y’imyitozo kuri uyu wa mbere.

Urutonde rw’abakinnyi 18 bajya muri Tanzania

Ndayishimiye Eric Bakame, Ndayisenga Kassim, Manzi Thierry, Eric Irambona, Mutsinzi Ange Jimmy, Mugabo Gabriel, Mugisha Francois Masters, Kwizera Pierrot, Nyandwi Saddam, Rutanga Eric, Yassin Mugume, Djabel Manishimwe, Kevin Muhire, Bimenyimana Bonfils Caleb, Shaban Hussein Tchabalala, Christ Mbondi, Ismaila Diarra na Yannick Mukunzi.

Ivan Minaert yabwiye abanyamakuru ko nka Yannick Mukunzi ya Eric Rutanga Alba nabo bataramera neza ijana ku ijana ariko ko agomba kubatwara yizeye ko bazageza kuwa Gatatu bameze neza ijana ku ijana.

Uyu mutoza kandi yatangaje ko agomba kuzakina umukino wo gusatira atitaye ko Yanga Africans izaba iri mu rugo, yemeza ko uko Rayon Sports yakinnye na Mamelodi Sundowns FC itazabihindura.

Rayon Sports irahaguruka ku kibuga cy’indege i Kanombe saa tanu z’ijoro, ikazakina kuwa Gatatu tariki ya 16 Gicurasi 2018. Uyu ukaba ari umukino wa kabiri izaba ikina mu itsinda D nyuma yuko inganyirije i Kigali umukino ubanza n’ikipe ya Gor Mahia yo muri Kenya igitego 1-1.

Rwatubyaye Abdul yakoranye imyotozo n’abandi nubwo atari ku rutonde rw’abakinnyi bagomba kuzakina uyu mukino.

Umuraperi Khalifan ubanza ibumoso nawe yari yaje kwirebera imyitozo y’ikipe akunda.

Irambona Eric Gisa mu myitozo.

Umutoza Ivan Minaert akoresha imyitozo ya nyuma mbere yuko berekeza muri Tanzania.

Hussein Chabalala umwe muri barutahizamu Rayon Sports irikugenderaho muri iyi minsi.

Lomami Marcel asaba abafana ba Rayon bari bitabiriye imyitozo ku bwinshi kobareka gusatira mu kibuga.

Nyuma y’iyi myitozo abafana bahawe umwanya wo kuganira n’abakinnyi babo.

 

 

Ivan Heritier

Comments

comments




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.