Search

RBC: Abagera kuri 46% mu bakora uburaya babana na Virus itera SIDA mu Rwanda

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

 Ubushakashatsi bwakozwe n’ikigo cy’igihugu gishinzwe ubuzima RBC, bugaragaza ko kugeza ubu 46% by’abakora uburaya, banduye virus itera SIDA, naho muri rusange Abanyarwanda bangana na 3% babana na yo, iki kigero ngo kimaze imyaka 10 kidahinduka.

Muri ubu bushakashatsi kandi hagaragazwamo ko umujyi wa Kigali ari wo ufite umubare munini w’abafite ubwandu bwa virus itera SIDA kuko uri Ku kigereranyo cya 6%,naho abanduye iyi virus b’abatinganyi bari Ku kigereranyo cya 4%.

Abagore nibo bafite umubare munini mu kwandura SIDA kuko bari Ku kigereranyo cya 3,3% mu gihe abagabo ari 2,3%.

Impamvu ibitera ngo ni uko uretse kuba bakora umurimo w’uburaya, harimo n’abayanduzwa bitewe n’ihohoterwa rishingiye Ku gitsina.

Umwe mu bakora uburaya mu mujyi wa Kigali, utuye mu murenge wa Muhima, avuga ko uwo mwuga yawutangiye akiri muto, biturutse ku kubura aho aba, ko yapfushije ababyeyi be bombi.

Avuga ko akiwutangira yahise yandura virus itera SIDA, kuko ubu Ku myaka 23 afite, yamaze kwandura ndetse n’umwana we yabubyariyemo, nawe ubu agize imyaka 5 na we yaranduye.

Uyu mukobwa avuga ko, yayitewe n’uko iyo yabaga agiye kuryamana n’umugabo, yamusaba gukoresha agakingirizo, agakubitwa, agahohoterwa cyane, yabona inkoni zimurembeje agahitamo kubyemera agakorera aho,nk’uko Bwiza dukesha inkuru yabyanditse.

Agira  ati “uburaya nta cyiza kiburimo,turahohoterwa cyane, tugakubitwa ndetse tukananenwa, iyo abantu bamenye ko unarwaye noneho, barushaho kuguhohotera.”

Umunyamabanga nshingwabikorwa w’urugaga nyarwanda rw’ababana n’ubwandu bwa virus itera SIDA (RRP+),  Sage Semafara, avuga ko aho umuntu wanduye virus itera SIDA ari, n’ubwo akato kaciwe mu Rwanda ,ariko abafite ubu burwayi ngo baracyahohoterwa, cyane cyane abagore n’abana b’abakobwa.

Agira ati “ntushobora kurwanya ubwandu bwa virus itera SIDA,utarwanije n’ihohoterwa rishingiye Ku gitsina,kuko aho ufite ubwandu ari, arahohoterwa cyane, bamuhora ko ari indaya, ni nayo mpamvu dusaba ko abagikora uyu mwuga bawureka, bakitabira indi mirimo”.

N’ubwo hakiri ihohoterwa mu Rwanda, rishobora kubyara no kuvamo ubwandu bushya bwa SIDA, Commissioner of Police Dr Daniel Nyamwasa, avuga ko ‘isange one stop centers’ zagabanyije inzira uwahohotewe yacagamo kugira ngo abone ubufasha, kuko ubu asigaye afashwa hakiri kare, bikaba byamwongerera amahirwe yo kutandura.

Imibare yavuye mu bushakashatsi bwakozwe n’ikigo cy’igihugu cy’ibarurishamibare mu Rwanda, igaragaza ko abagore aribo bahohoterwa cyane, kuko abangana na 22% by’abagore bafite hagati y’imyaka 12-49 bahohotewe, mu gihe abagabo bahohotewe ari 5%.

Richard [email protected]

Comments

comments




Leave a Reply

Your email address will not be published. Required fields are marked *