DRC: Umujyi wa Goma uturanye na Gisenyi wagaragayemo umurwayi wa Coronavirus

Muri Repubulika ya Demokarasi ya Congo National Biomedical Reaserch Istitute(INRB) kuri uyu wa mbere yatangaje ko abantu 17 aribo bashya banduye Coronavirus harimo 1 wo mu mujyi wa Goma uharana imbibi n’umujyi wa Gisenyi mu Rwanda.

Muri aba 17 basanganywe ubwandu bwa Coronavirus, 16 nabo mu murwa mukuru i Kinshasa naho umuntu 1n’uwo mu ntara ya Kivu ya Ruguru mu mujyi wa Goma,kugeza ubu intara 3 muri Congo zimaze kugeramo iki cyorezo  mu minsi 20 kinjiye ku butaka bwa Repubulika ya Demokarasi ya Congo.

Uyu mujyi wa Goma wagaragayemo uwanduye Coronavirus uhana imbibi n’umujyi wa Gisenyi mu Rwanda ibintu bishobora kugira ingaruka ku baturage ba Gisenyi mu gihe haba hari unyuze inzira y’ubusamo akaba yazana icyi cyorezo mu karere ka Rubavu nimugihe imipaka ihuza Urwanda na RD Congo yafunzwe rugikubita mu rwego rwo kwirinda icyi cyorezo.

Kumurongo wa Telefone Guverineri wa Kivu y’Amajyaruguru Bwana Nzanzu Carly Kasivita yahamirije umunyamakuru wa IBYAMAMARE.COM ko umurwayi wa mbere yagaragaye muri Kivu ya ruguru aho asaba abaturage kudakuka imitima bakubahiriza amabwiriza yo kwirinda iki cyorezo

“Nibyo INRB yatumenyesheje ko muri Nord Kivu hari umuntu wa mbere wanduye akaba ari uwo mu mujyi wa Goma,turasaba abaturage kudakuka imitima bakubahiriza amabwiriza yose atangwa na Leta mu guhangana na Coronavirus”

Nzanzu Carly Kasivita Guverineri w’Intara ya Kivu y’Amajyaruguru

Guverineri Kasivita yaduhamirije ko ingendo hagati ya Nord Kivu na Sud Kivu ujya i Bukavu zose zahagaritswe zaba izo mu mazi no mu kirere ni nyuma y’uko no mu mujyi wa Bukavu  hagaragaye abantu 2 banduye Coronavirus.

N’ubwo icyi cyorezo cyagaragaye mu mujyi wa Goma hakwiriye gukazwa ingamba kuko bamwe mu baturage ntibarumva akamaro ko kuguma mu ngo kuko bavuga ko aho kwicwa n’inzara bakwicwa na Coronavirus ariko ubuyobozi bw’Intara ya Kivu y’amajyaruguru bukaba bufatanyije n’inzego z’umutekano bakaba barashyizeho ingamba zikakaye zo guhana abarenga ku mabwiriza ya Perezida Antoine Felix

Kugeza kuwa 30 Werurwe 2020 abantu 98 nibo bamaze kwandura Coronavirus , 8 bamaze guhitanwa nayo mu gihe 3 byatangajwe ko bayikize muri Repubulika ya Demokarasi ya Congo.

Tanga Igitekerezo ukoresheje Facebook

SHARE