Search

Real Madrid yatangaje ko yifuza rutahizamu wa Manchester United ikamutangaho miliyoni 80 z’ipawundi

NAWE WATUNGA IMODOKA Y'INZOZI ZAWE, KANDA HANO WIGURIRE IMODOKA ZIHENDUTSE GUHERA KU MAFARANGA IBIHUMBI 100 GUSA

KANDA HANO UREBE VIDEO

Ikipe ya Real Madrid yo mugihugu cya Espagne irifuza gutanga akayabo ka £80m kuri rutahizamu wa Manchester United ukomeje kugaragaza urwego rwo hejuru mumikinire ye.

Anthony Martial rutahizamu wa MNU arifuzwa na Real Madrid

Ikipe ya Real Madrid irifuza cyane umukinnyi wa Manchester United witwa Anthony Martial aho yiteguye no kumutangaho £80m.

Uyu mukinnyi ukinira ikipe ya Manchester United n’ubwo atanga umusaruro igihe cyose aba agiriwe icyizere na José Mourinho utoza iyi kipe, akomeje kugorwa cyane no kubona umwanya uhoraho wo kubanza mukibuga.

Nyuma yo kunanirwa gusinyisha kylian Mbappe werekeje mu ikipe ya Paris Saint-Germain ku isoko ry’igura n’igurisha riheruka, ikipe ya Real Madrid yatangiye gutera ijisho kuri rutahizamu wa Manchester United.

José Mourinho umutoza wa MNU na rutahizamu Martial wifuzwa n’ikipe ya Real Madrid

Irangajwe imbere na Zinedine Zidane uyitoza, arifuza cyane uyu mukinnyi bakomoka mu gihugu kimwe cy’ubufaransa w’imyaka 21y’amavuko ukomeje kugaragaza impano idasanzwe mu guconga ruhago k’urwego mpuzamahanga.

Mugihe Cristiano Ronaldo agomba kuzuza imyaka 33 y’amavuko muri gashyantare umwaka utaha, Karim Benzema akaba azuzuza 30 mukwezi gutaha, Luka Modric akaba azuzuza imyaka 32 y’amavuko ndetse na Gareth Bale akaba akomeje kwibasirwa n’imvune za hato na hato, Zinedine zidane yatangiye gutekereza kubakinnyi bakiri bato kugirango yongere umuvuduko muri iyi kipe.

Zinedine zidane umutoza w’ikipe ya Real Madrid

Iyi akaba ariyo mpamvu nyamukuru uyu mutoza yaba yifuza Anthony Martial ukiri muto kandi akaba akomeje kwigaragaza cyane, mu rwego rwo gukomeza kubaka ahazaza ha Real Madrid.

Inkuru dukesha Mirror irakomeza itangaza ko Manchester United itewe ikibazo cyane n’uko iyi kipe ya Real Madrid yiteguye gukora ibishoboka byose kugirango yegukane uyu mukinnyi waguzwe £58m ubwo yavaga mu ikipe ya Monaco yerekeza mu ikipe ya Manchester United.

 

Richard [email protected]

Comments

comments




Leave a Reply

Your email address will not be published. Required fields are marked *