Real Madrid yegukanye igikombe cya Shampiyona yo muri Espagne ku nshuro ya 34 (Amafoto)

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Ikipe ya Real Madrid yaraye yegukanye igikombe cya shampiyona y’umupira w’amaguru muri Espagne, La Liga 2019/2020, nyuma yo gutsinda Villarreal ibitego 2-1. Ikaba ari ku nshuro ya 34 Real Madrid yegukana iki gikombe.

Real Madrid y’umutoza Zinedine Zidane yari yakiriye Villarreal isabwa gutsinda ubundi igahita yegukana igikombe bitewe n’ikinyuranyo cy’amanota cyari hagati yayo na mukeba FC Barcelon yayigwaga mu ntege.

Ku munota wa 28 w’umukino nibwo Karim Benzema yafunguye amazamu nyuma y’amakosa yakozwe na Sofian Chakla, Casemiro amwambura umupira awuhereza Modric nawe ahita ahindura kwa Benzema ubundi awuboneza mu rushundura.

Karim Benzema yaje gutsindira Real Madrid igitego cya kabiri kuri penaliti yaturutse ku ikosa ryari rikorewe Sergio Ramos wakiniwe nabi na Chakla akamutegera mu rubuga rw’amahina.

Habura iminota itandatu ngo umukino urangire, Vincente Iborra yatsindiye Villarreal igitego kiyigarura mu mukino mu gihe Marcos Asensio yatsindiye Real Madrid igitego mu minota y’inyongera, ariko VAR igaragaza ko yari yaraririye.

Gutsinda uyu mukino byahise bihesha Real Madrid kwegukana igikombe cya shampiyona yaherukaga mu myaka itatu ishize, yaherukaga gutwara icyo mu mwaka wa 2016/2017.

Ubwo Real yegukanaga igikombe mukeba wayo FC Barcelona yatsindwaga na Osasuna mu gihe hasigaye umunsi wa nyuma ngo La Liga isozwe.

 

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE