REBA AMAFOTO – Perezida Kagame yakiriye, Perezida wa Tanzania Madamu Samia Suluhu

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Perezida wa Tanzania, Samia Suluhu Hassan uri mu Rwanda mu ruzinduko rw’iminsi ibiri guhera kuri uyu wa 02 Kanama 2021, yakiriwe na mugenzi we Paul Kagame, bayobora isinywa ry’amasezerano atandukanye hagati y’ibihugu byombi.

Ayo masezerano yashyizweho umukono n’Abaminisitiri bashinzwe Ububanyi n’amahanga b’ibihugu byombi, ari bo Amb Liberata Mulamula ku ruhande rwa Tanzania, hamwe na Dr Vincent Biruta ku ruhande rw’u Rwanda.

Perezida w’u Rwanda, Paul Kagame aha ikaze Perezida wa Tanzania Samia Suluhu Hassan

Ni amasezerano ashingiye ku mubano wa kivandimwe n’ubuhahirane nk’uko Abakuru b’ibihugu byombi babibwiye Itangazamakuru nyuma yo gusinywa.

Andi masezerano ajyanye n’ikoreshwa ry’Ikoranabuhanga mu nzego zishinzwe Abinjira n’abasohoka yashyizweho umukono na Minisitiri w’Ikoranabuhanga na Inovasiyo, Ingabire Paola na mugenzi we ushinzwe itumanaho muri Tanzania, Dr Faustine Ndugulile.

Perezida wa Repubulika, Paul Kagame, yatangiye avuga ko u Rwanda na Tanzania bisangiye ikirenze imipaka kuko hari n’amateka bihuriyeho.

Perezida Kagame yavuze bimwe mu bigize ayo masezerano ati “By’umwihariko umuhanda wa gari ya moshi, gutanga amata ndetse n’imikorere inoze y’icyambu. U Rwanda rwiteguye gukorana bya hafi n’abavandimwe muri Tanzania mu muryango wa Afurika y’Iburasirazuba n’ahandi mu kwihutisha gukira icyorezo cya Covid-19”.

Ku rundi ruhande, Perezida wa Tanzania, Samia Suluhu Hassan yashimiye u Rwanda kuba rwarafashe mu mugongo Abanya Tanzania mu gihe uwari Perezida John Pombe Magufuli yari amaze gutabaruka.

Ashimira Perezida Kagame nka musaza we wamutumiye gusura u Rwanda ndetse n’Abanyarwanda nk’abavandimwe babana neza n’Abanya Tanzania.

Perezida wa Tanzania, Samia Suluhu Hassan uri mu Rwanda mu ruzinduko rw’iminsi ibiri akiriwe na mugenzi we Paul Kagame

Perezida Samia Suluhu avuga ko amasezerano ibihugu byombi byashyizeho umukono ashingiye ahanini ku guteza imbere ubucuruzi ariko harimo n’aya Politiki igenga Umuryango wa Afurika y’Iburasirazuba.

Perezida Samia Suluhu Hassan yagize ati “Tanzania n’u Rwanda turi mu bucuruzi, turi mu cyerekezo ndetse twabonye byinshi duhuriyeho, hakaba hari amahirwe menshi twakoresha mu rwego rwo kuzamura ubucuruzi n’iterambere ry’impande zombi uko ari ebyiri”.

Perezida wa Tanzania avuga ko hari byinshi u Rwanda rurusha icyo gihugu bazaza kwiga kandi ko bashyigikiranye muri gahunda zo guteza imbere ibijyanye n’imiti.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO