RIB yakiriye ikirego Knowless aregwamo ubwambuzi bwa miliyoni

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Butera Knowless yarezwe mu Rwego rw’Igihugu rw’Ubugenzacyaha, RIB, yishyuzwa miliyoni 1,3 Frw zishingiye ku kimina yabanagamo n’itsinda ry’abandi bantu agahabwa amafaranga ariko cyasenyuka ntayasubize.

Hashize iminsi Leta iburira abantu kutishora mu bucuruzi bw’amafaranga bwa “pyramid” benshi bazi nk’ibimina. Kuri ubu bamwe bari kubogoza nyuma y’uko bambuwe.

Butera Knowless yarezwe mu Rwego rw’Igihugu rw’Ubugenzacyaha, RIB, yishyuzwa miliyoni 1,3 Frw

Mu kimina cya ‘Happy Family’ cyabarizwagamo Butera Knowless naho haravugwamo uyu mwuka. Abari batanze amafaranga yabo barasaba kuyasubizwa mu gihe iby’ikimina bitagikomeje.

Iki kimina bivugwa ko Butera Knowless yakibanagamo n’abandi bantu barenga 150. Yari akuriye itsinda ry’abantu batandatu, aho ari we abo bantu bashyikirizaga amafaranga yabo kugira ngo bacyinjiremo.

Amakuru agera kuri IGIHE ni uko kuva inkubiri yo guca ibimina yatangira, uyu mubyeyi w’abana babiri, yatangiye kwishyuzwa n’abagiye bamuha amafaranga ariko ntayabasubize.

Umwe mu bahaye amakuru IGIHE yavuze ko byageze aho bamwandikira ubutumwa bugufi kuri telefoni ariko ntasubize, yewe na telefoni ntayitabe.

Uyu muntu yavuze ko mu nyandiko byanditse ko Knowless ari we uzajya ushyikirizwa amafaranga, nubwo ngo rimwe na rimwe yaburaga akohereza uwo yigeze kubera “marraine” akaba ari we uyamushyikiriza.

Nyuma yo gushakisha uko ikibazo cyakemurwa mu bwumvikane, Knowless akabura ndetse n’uwo bafatanyaga mu kwakira amafaranga akabihakana avuga ko bakwiriye kujya kubibaza umuyobozi w’itsinda, bahisemo kujya kwiyambaza ubutabera.

Inyandiko itanga ikirego IGIHE yaboneye Kopi igaragaza umugore wareze Knowless asaba kurenganurwa.

Ati “Mu by’ukuri ndarega uwitwa Butera Knowless, icyo gihe ntanga amafaranga 1.350.000 Frw ni we wari ugezweho gufata […] abenshi basubije amafaranga ariko we ntiyigeze anashaka ko twumvikana.”

Bivugwa ko uwareze ari umugore wari waragiye muri iki kimina umugabo we atabizi, ku buryo abimenye byabyara ibibazo mu muryango.

Umuvugizi wa RIB, Dr Murangira B. Thierry, yemereye IGIHE ko iki kirego cyakiriwe.

Ati “Twaracyakiriye. Kizasuzumwa gihabwe umurongo niba hari ibyaha birimo azabibazwa. Ni ikirego kijyanye n’ibi bya ‘Pyramid.’”

Dr Murangira yavuze ko kuva aho RIB itangiye itangazo isaba abantu kwirinda kujya muri ibi bimina, hari abantu bakibiyoboka abasaba kubizibukira kuko bihombya.

Ati “Hari abantu bakibijyamo, turasaba abantu kugira amakenga, bakava muri ibi bintu, bihombya benshi kurusha uko byungura bamwe. Ni amafaranga y’abantu benshi yinjira mu mifuka y’intsinda ry’abantu bake, abantu bari bakwiriye kubyitondera.”

Bivugwa ko uwareze Knowless ari umugore wari waragiye muri iki kimina umugabo we atabizi, ku buryo abimenye byabyara ibibazo mu muryango.

Bivugwa ko ayo mafaranga Knowless yayahawe mu mpera za Mata 2021, aho buri wese mu binjiraga muri iki kimina yasabwaga gutanga 1.350.000 Frw.

Ukubye ayo abantu batandatu bahaye Butera Knowless, usanga uyu muhanzikazi yarahawe 8.100.000 Frw. Bivugwa ko mu minsi ishize, bashatse kujya gutanga ikirego nk’itsinda ariko bamwe ntibabashe kuboneka, uyu wari ukomerewe aba ariwe ufata iya mbere.

Knowless si we wakiraga amafaranga mu ntoki

Nkuko abari muri iki kimina banahaye amafaranga Butera Knowless babivuga, ngo amafaranga si uyu muhanzikazi bayahaga mu ntoki kuko bayahaga uwari amuhagarariye.

Ngo amafaranga ye yakusanywaga n’uwitwa “Tessy” yigeze kubera “Marraine”.

Mu nyandiko z’icyo kimina, Knowless aba yitwa “Kabebe”, izina n’ubundi abantu ba hafi kuri we bakunda kumuhimba.

Uwahaye IGIHE amakuru yagize ati “Twahaye amafaranga yacu uwitwa Kabebe (Butera Jeanne d’Arc benshi bazi nka Knowless), amafaranga ye yamugeragaho yafashwe n’uwitwa Tessy wavugaga ko amuhagarariye.”

Bavuga ko bagerageje gusaba inshuro nyinshi Tessy kubahuza na Kabebe ariko akababera ibamba.

Twagerageje kuvugana na Knowless ku murongo wa telefoni, atwitabye avuga ko nta mwanya afite, ko ahuze.

 

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO