RIB yatangajeko umugabo w’umunye-Congo w’imyaka 25, wakwirakwije amashusho y’abakobwa b’abanyarwandakazi bambaye ubusa yarashwe arapfa

Urwego rw’Igihugu rw’Ubugenzacyaha (RIB) rwatangaje ko umugabo ufite ubwenegihugu bwa Repubulika ya Demokarasi ya Congo, yarashwe arapfa. Uyu akekwaho kuba ari we wafashe amashusho Abanyarwandakazi bambaye ubusa.

Kuri Twitter RIB yatangaje ko David Shukuru Mbuyi ukomoka muri DR.Congo yarashwe agerageza gutoroka aho yari afungiye.

ku wa gatanu tariki 31 Nyakanga 2020, RIB yerekanye abakobwa b’Abanyarwandakazi baheruka gusakaza amashusho bambaye ubusa ku mbuga nkorangambaga, ndetse basaba imbabazi.

Yakekwagaho icyaha cy’icuruzwa ry’abantu.

Itangazo rya RIB rivuga ko David Shukuru Mbuyi, w’imyaka 25 yari yatawe muri yombi akekwaho ubunyunyuzi bushingiye ku gitsina no gucuruza abantu (sexual exploitation and human trafficking).

Uyu yarasiwe kuri kasho ya Nyarugunga agerageza gutoroka nk’uko biri mu itangazo.

Uyu yakekwagaho ibyaha by’ubucuruzi bw’abantu birenga imbibi z’igihugu bugamije gushora Abakobwa b’Abanyarwanda mu busambanyi imbere mu gihugu no hanze.

RIB ivuga ko Shukuru yatawe muri yombi mu ntangiriro z’iki cyumweru afatanwa n’Abakobwa bane b’Abanyarwanda ubwo basakazaga amashusho y’urukozasoni ku mbuga nkoranyambaga babigambiriye kugira ngo babibonemo indonke.

Ambassade ya DR.Congo ngo yamenyeshejwe biriya by’iraswa ry’umuturage ufite ubwenegihugu bwa kiriya gihugu.

RIB ivuga ko iperereza rikomeje kuri biriya byabaye.

ku wa gatanu tariki 31 Nyakanga 2020, RIB yerekanye abakobwa b’Abanyarwandakazi baheruka gusakaza amashusho bambaye ubusa ku mbuga nkorangambaga, ndetse basaba imbabazi.

Tanga Igitekerezo ukoresheje Facebook

SHARE